×

कारोना त्रासका बाबजुद पनि भारतीय शेयर बजारमा उच्च अंकको सुधार, राहत प्योकजको अपेक्षा

Note Bazar ११चैत्र, २०७६, मंगलवार / Mar 24, 2020 19:50:pm

विश्व व्यापी रुपमा फैलिएको कारोना भइरसका कारण संसरभरका शेयर बजारमा निरन्तर गिरावट आइरहेको अवस्थामा मंगलबार भने भारतीय तथा केही एसियाली पुँजी बजारमा सुधार आएको छ । सोमबार एतिहासीक रुपले घटेको भारतीय शेयर बजारले मंगलबार सुधारको गती लिएको हो ।

सोमबार अमेरिकाको केन्द्रीय बैंकले कोरोनाले अर्थतन्त्र प्रभावित भएपनि चलायमान बनाइराख्नका लागि आवश्यक फण्ड उपलब्ध गराउने जनाएको छ । त्यसका साथै कम्पनीहरुलाई आवश्यकता अनुसार पैसा दिइने जनाएपछि त्यसको प्रभाव विश्वभरका अधिकासं शेयर बजारमा देखिएको छ । मंगलबार विश्वका धेरै शेयर बजारमा सुधार आएको छ । अमेरिकाले चालेको कदम अनुसार अन्य देशमा पनि सरकारी तवरवाट राहत पउने अपेक्षमा गर्दै सेयर लगानीकर्ताको मनोवलमा केही सुधार आएको देखिन्छ ।

सोमबार सर्किट ब्रेक लगाउन पर्ने गरी घटेको भारतीय शेयर बजार मंगलबार कारोबार सुरु भएदेखि निन्तर सुधारको गतीमा देखिएको हो । मंगलबार भारतकी अर्थ मन्त्री निर्मला सितारमणले पनि शेयर बजारका लागि राहत प्योक दिने संकेत देखाएपछि समग्र बजारमा सुधार आएको हो । तर, उनले अर्थतन्त्रका लागि तत्काल फाइनान्सीय राहको जरुरी भैनसकेको बताएकी छन ।

मंगलबार बम्बई स्टक एक्सचेन्ज परिसुचक सेनसेक्स ६९३ अंकले वढेर २६६७४.०३ अंकमा पुगेको छ भने नेशन स्टक एक्सचेन्ज परिसुचक निफ्टी पनि २४७ अंकले वढेर ७८५६.८० को विन्दुमा पुगेको छ । मंगलबार भारतीय शेयर बजारमा आइटी कम्पनीको शेयर मूल्यमा उच्च सुधार आएपछि समग्र बजार सूचकहरु वढेका हुन ।



Share on:


Comments