आर्थिक पत्रकारहरुको कोरोना बीमा युनाइटेड इन्स्योरेन्समा

Note Bazar ७जेष्ठ, २०७७, बुधबार / May 20, 2020 17:58:pm

नेपाल आर्थिक पत्रकार समाज (सेजन) मा आवद्ध आर्थिक पत्रकारहरुको कोरोना बीमा गरिएको छ । युनाईटेड इन्स्योरेन्स मार्फत सेजनमा आवद्ध सदस्यहरुको कोरोना बीमा गरिएको हो ।

सेजनले आफ्ना प्रत्येक सदस्यहरुको पचास हजार रुपैयाँ बराबरको वीमाङ्क रकमको कोरोना बीमा गराएको छ । बीमा पछि सेजनमा आवद्ध विभिन्न सञ्चार माध्यममा कार्यरत आर्थिक पत्रकारहरुलाई कोरोनाले पर्ने आर्थिक व्ययभारमा कम जोखीम हुनेछ ।

युनाईटेड इन्स्योरेन्सले यस बन्दावन्दीको अवधीमा डिजिटल प्रविधिको माध्यमवाट बीमा सेवा प्रवाह गरिरहेको जनाएको छ । कम्पनीका अनुसार, हाल आफ्नो २९ वटै शाखा कार्यालयमार्फत मोटर बीमा अग्नी बीमा, इन्जीनियरिङ्ग वीमा, कृषि तथा पशुपन्छी बीमा लगायतका बीमालेखहरु जारी गर्दै आएको छ ।



Share on:


Comments