आगामी मौद्रिक नीतिका लागि एक्यानले दियो राष्ट्र बैंकलाई सुझाव

✍️ नोटबजार संवाददाता।
काठमाण्डौं।
१५असार, २०७७, सोमबार / Jun 29, 2020 14:14:pm

चार्टड एकाउन्टेन्टहरुको छाता संगठन नेपाल चार्टड एकाउन्टेन्ट संघ (एक्यान) ले आगामी मौद्रिक नीतिको लागि नेपाल राष्ट्र बैंकलाई सुझाव दिएको छ।

वालुवाटारस्थित राष्ट्र बैंक कार्यालयमा गभर्नर महाप्रसाद अधिकारीलाई भेटेर एक्यानका पदाधिकारीले लेखा तथा व्यवसायसंग सम्बन्धित नीतिहरुमा सहजीकरणका लागि आग्रह गरेका छन्।

अध्यक्ष आनन्द वाग्लेको नेतृत्त्वमा गएको संघका पदाधिकारीहरुले कोभिड १९ ले सृजना भएको अवस्थामा बैंकिङ क्षेत्रमा हुनुपर्ने नीतिगत व्यवस्थाबारे एक प्रतिबेदन गभर्नर अधिकारिलाई बुझाउँदै मौखिक सुझाव समेत दिएको छ। प्रतिबेदनमा ऋणको पुनर्तालिकीकरण, ब्याजलाई पुंजीकृत कसरि गर्ने, ऋणको बर्गिकरण र प्रोभिजनमा अब कसरि गर्ने, एनएफआरएसमा विद्यमान कठिनाई र त्यसको समाधान लगायतका विषय समेटिएका छन्।

अध्यक्ष वाग्लेको नेतृत्त्वमा भेट्न गएका संघका पदाधिकारीहरुको कुरा सुनेपछि गभर्नर महाप्रसाद अधिकारिले पारदर्शिता तथा लेखा सम्बन्धमा चार्टड एकाउन्टेन्टहरुलाई सबै थाहा हुने भन्दै अहिलेको विषम परिस्थितमा वित्तीय शुसासन सन्तुलन रहनेगरि काम गरिदिन आग्रह गरेका छन्।

साथै प्रतिबेदनमा रिभेन्यु अडिट, बैंकहरुको शाखाको अडिट, नेपालबाट विदेशमा पुंजी तथा लाभांश लैजादा चार्टड एकाउन्टेन्टको सर्टिफिकेट, ओभरड्राफ्ट लोन लिंदा सिएको सिफारिस चाहिने व्यवस्था वर्किङ्ग क्यापिटल सटिफिकेट तथा सीएहरुसंगै उनीहरुको व्यवसायीक फर्मलाई पनि सहुलियतमा कर्जा दिने व्यवस्था मौद्रिक नीति मार्फत नै गर्ने बिषय उल्लेख गरिएका छन्।

गभर्नर अधिकारिले भने, सबैले आ आफ्ना व्यवसायको हित हुनेगरि आगामी मौद्रिक नीतिका लागि सल्लाह सुझाब दिइरहेका छन् तर सबै क्षेत्रमा सन्तुलन रहनेगरि काम गर्नुपर्ने भएकाले अहिलेको विषम परिस्थितमा चार्टड एकाउन्टेन्टसहरुको भूमिका महत्त्वपूर्ण रहन्छ। त्यस्तै गभर्नर अधिकारिले मौद्रिक नीतिमा लेखा र लेखा परिक्षणलाई मौद्रिक नीतिमा भिन्नै शिर्षक दिनलाई राष्ट्र बैंकका अधिकारिलाई निर्देशन दिएका छन्।

अध्यक्ष वाग्लेले वित्तीय तथा अर्थतन्त्रको क्षेत्रमा अध्ययन तथा अनुसन्धान गर्नलाई प्रोत्साहन तथा सहयोग गर्ने सरकारी निकाय नभएको गुनासो गर्दै कम्तिमा बैंक वित्तीय संस्थाले छुट्याउने सामाजिक उत्तरदायित्वको बजेटबाट यो काम हुने व्यवस्था मिलाउनलाई राष्ट्र बैंकलाई सुझाव दिएका छन्।

त्यस्तै राष्ट्र बैंकसँगको छलफलको लागि सहजीकरणको भूमिका निभाएका उपाध्यक्ष रमेश धितालले गभर्नरको जिज्ञासामा एनएफआरएसमा हाल रहेका प्रभावकारी ब्याजदर, कन्सोलिडीएसन, लगायतका कार्भ आउटको बारेमा र यसको अवधि र कार्यन्वयनमा रहेका चुनौती बारे सुझाव दिएका छन् । उनले अन्तरास्ट्रिय मापदण्ड अनुरुप एनएफआरएस परिमार्जन पश्चात इसीएल मोडल कार्यन्वयनमा राष्ट्र बैंकसंग काम गर्नका लागि नेपाल चार्टड एकाउन्टेन्ट संघ इच्छुक रहेको बताए।



Share on:


Comments