जलविद्युत कम्पनीको सस्तो शेयरमा झुम्मिए लगानीकर्ता

-नोटबजार संवाददाता।
काठमाडौं।
२९भाद्र, २०७७, सोमबार / Sep 14, 2020 15:05:pm

यो साताको दोस्रो दिन सोमबारको शेयर कारोबारमा सस्तो मूल्य भएका जलविद्युत कम्पनीहरुको शेयरमा लगानीकर्ताको आकर्षण देखिएको छ ।

शेयर लगानीकर्ताहरुले आफ्नो पोर्टफोलियो बदल्ने क्रममा जलविद्युतका सस्ता मूल्य भएका कम्पनीहरुको शेयर उठाउन थालेपछि जलविद्युत कम्पनीहरको मूल्य बढेको हो । 

त्यस्तै भर्खरै आइपीओ बिक्री गरेर तथा मर्जर तथा एक्विजिशन पश्चात कारोबार खुलेका कम्पनीहरु पनि लगानीकर्ताको रोजाईमा परेका छन् ।

यसदिन कारोबारमा आएका झण्डै एक दर्ज कम्पनीको शेयरमूल्य दश प्रतिशतको हाराहारीमा बढेको छ । जसमध्ये सबैभन्दा धेरै जलविद्युत कम्पनी रहेका छन् ।

यसदिन अरुण भ्याली हाइड्रोपावरको शेयरमूल्य सबैभन्दा धेरै १० प्रतिशतले बढेको छ । एनआरएन लघुवित्त पनि दश प्रतिशतकै हाराहारीमा बढेको छ ।

रिलायन्स लाइफ, युनियन हाइड्रो, रिडी हाइड्रो, आँखुखोला हाइड्रोपावर तथा छ्यांदी हाइड्रो लगायतको शेयरमूल्य ९ प्रतिशत बढीले उकालो लागेको छ । शेयर मूल्य धेरै बढ्ने दश कम्पनीको सूचीमा रहेका चार जलविद्युत कम्पनीको शेयरमूल्य अझैपनि एक सय रुपैयाँ भन्दा तल नै छ।

सोमबारको बजारमा नेप्से सूचक ३.२६ अंकले बढेर १५४०.५१ अंकमा पुगेको छ । यसदिन १९० कम्पनीको ३ अर्ब १३ करोड बढीको शेयर किनबेच भयो । यसदिन राष्ट्रिय बीमा कम्पनीको संस्थापक शेयरको मूल्य सबैभन्दा धेरै ८ प्रतिशत बढीले घटेको छ । यो कम्पनीको साधारण शेयर पनि ५ प्रतिशत बढीले घटेको छ ।

Top Gainers

SymbolLTP% Change
As of 2020-09-14 15:00:00
AHPC143.0010
NLBSL1,069.009.97942
RLI497.009.95575
UNHPL78.009.85915
AKJCL69.009.52381
RHPC115.009.52381
CHL115.009.52381
BARUN117.009.34579
SPDL154.009.21986
DHPL60.009.09091
GHL73.008.95522

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।


Share on:


Comments