सिटिजन्स बैंकको शाखारहित बैंकिङ्ग सेवा जाजरकोटको कालीमाटी बजारमा

✍️ नोटबजार संवाददाता।
काठमाण्डौं।
२६पुष, २०७७, आईतवार / Jan 10, 2021 17:04:pm

सिटिजन्स बैंक इन्टरनेसनल (CZBIL) ले जाजरकोट जिल्लाको नलगाड नगरपालिका कालीमाटी बजारमा १०७ औं शाखारहित बैंकिङ्ग सेवा प्रारम्भ गरेको छ ।

बैंकले पुस २४ गते शुक्रबारदेखि उक्त सेवा सञ्चालनमा ल्याएको हो । सेवा सञ्चालनका लागि स्थानीय व्यवसायी अमर बहादुर बोहरा लाई व्यवसायिक प्रतिनिधि नियुक्त गरेको छ ।

देशका विभिन्न दुर्गम स्थलका बासिन्दाहरुलाई सर्वसुलभ तथा अत्याधुनिक बैंकिङ्ग सेवा पु¥याउने उद्देश्यका साथ बैंकले उक्त शाखा रहित बैंकिङ्ग सेवा विस्तार गरेको हो ।

शाखा रहित बैंकिङ्गबाट निक्षेप संकलन, रकम भुक्तानी, कोष स्थानान्तरण, मोबाइल फोनको बिल भुक्तानी, उपयोगी सेवाहरुको रकम भुक्तानी लगायत बैंकले प्रदान गर्ने अन्य सेवाहरु उपलब्ध गराउने लक्ष्य लिएको छ । यस सेवाबाट ग्रामीण क्षेत्रमा बैंक प्रति उल्लेखिय विश्वास एवं बैंकिङ्ग सभ्यताको विस्तार हुने अपेक्षा बैंकले लिएको छ ।

यस सेवा अन्तर्गत बैंकले चेकको प्रयोग नगरी मोबाइल बैंकिङ्ग एपमा लग–ईन गरेर काउन्टरमा भएको क्यू आर कोड स्क्यान गरी खाताबाट रकम झिक्न सकिने छ ।

बैंकले देशैभरी फैलिएका आफ्ना १०९ वटा शाखा, ९८ वटा ए.टि.एम. र १०७ वटा शाखा रहित बैंकिङ्ग इकाईहरुबाट करिव ७ लाख ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।



Share on:


Comments