पुस महिनामा मात्रै १ खर्ब ४३ अर्ब कर्जा प्रवाह, ६ महिनामा ३ खर्ब ३३ अर्ब

-नोटबजार संवाददाता।
काठमाडौं।
६माघ, २०७७, मंगलवार / Jan 19, 2021 12:03:pm

कोभिडका कारण थला परेको मुलकको अर्थतन्त्र क्रमश चलायमान हुन थालेपछि बैंकहरुमा कर्जा माग आउन थालेको छ । गत पुस महिनमा मात्र बैंकहरुले एक खर्ब ४३ अर्ब कर्जा प्रवाह गरेका छन् ।

यो पछिल्लो ६ महिनमा प्रवाह भएको कुल कर्जाको झण्डै ४३ प्रतिशत हो । चालु आव सुरु भएयता बैंकहरुले ३ खर्ब ३३ अर्ब कर्जा परिचालन गरेका छन् । यसमा माघ महिनाको दुई दिनको तथ्यांक समेत समावेश गरिएको छ । 

चालु आर्थिक वर्षको पुस महिनामा मात्रै वाणिज्य बैंकहरुमा ८८ अर्ब निक्षेप थपिएको छ भने यसअवधिमा बैंकहरुले १४३ अर्ब कर्जा प्रवाह गरेका छन् । तर माघको पहिलो सातामा भने बैंकहरुबाट कर्जा तथा निक्षेप दुवै घटेको छ । माघ १ र २ गते दुई दिनमा बैंकहरुबाट ३ अर्ब कर्जा निक्षेप घटेको छ भने यसअवधिमा ८ अर्ब कर्जा घटेको छ ।

पुस मसान्तमा बैंकहरुले ब्याज भुक्तानीका लागि नयाँ ऋण सृजना गरेकाले ऋण ह्वात्तै बढ्न गएको हो । पुस बैंकहरुका लागि त्रैमासिक साँवाब्याज उठाउने समय हो । बैंकहरुले ऋणीहरुलाई थप कर्जा दिएर त्यही पैसाबाट ब्याज भुक्तानी गर्ने भएकाले पनि पुस महिनमा कर्जा विस्तारमा उच्च बढोत्तरी देखिएको हो ।

मंसिर महिना यता बैंकहरुमा कर्जाको माग ह्वात्तै बढेको छ भने बैंकहरुले समेत कर्जा विस्तारलाई जोड दिएका छन । नेपाल बैंकर्स संघका अनुसार पुस २९ गतेसम्म वाणिज्य बैंकहरुले ३७ खर्ब ८२ अर्ब रुपैयाँ निक्षेप संकलन गरेका छन् । यसअवधिमा बैंकहरुले ३२ खर्ब ४४ अर्ब कर्जा विस्तार गरेका छन् । माघ २ गतेसम्म भने बैंकहरुमा ३७ खर्ब ७९ अर्ब निक्षेप रहेकोमा यसअवधिमा ३२ खर्ब ३६ अर्ब कर्जा परिचालन भएको छ ।

चालु आर्थिक वर्ष सुरु भएयता वाणिज्य बैंकहरुमा २ खर्ब ९२ अर्ब निक्षेप थपिएको छ भने यस अवधिमा बैंकहरुले ३ खर्ब ३३ अर्ब कर्जा प्रवाह गरेका छन । गत असारको अन्तसम्म बैंकहरुमा ३४ खर्ब ८७ अर्ब निक्षेप रहेको थियो । सो अवधिसम्म बैंकहरुले २९ खर्ब ३ अर्ब कर्जा प्रवाह गरेका थिए ।

यतिबेला बैंक तथा वित्तीय संस्थामा प्रशस्त तरलता रहेको र ब्याजदर समेत सस्तो भएपछि नयाँ व्यवसाय गर्नेहरुले लगानीका लागि उपयुक्त अवसरको रुपमा लिएकाले पनि बैंकहरुमा कर्जाको माग बढेको देखिन्छ।

          Deposit and Lending of Commercial Banks (in Billions)
MonthDateDepositLending
LCYFCYTotalLCYFCYTotal
Ashad 207731/03/2077336212534872806972903
Shrawan 207709/04/2077334411834622772952867
16/04/2077337111534872590932866
23/04/2077336011334762779922871
30/04/2077336711234792787912878
Bhadra 207705/05/2077336811234802794922886
12/05/2077337710934852801912892
19/05/2077338310834912807902897
26/05/2077338810734952815902904
Ashwin 207702/06/2077340311335162824892913
09/06/2077341711535322837922929
16/06/2077345010935592855922946
23/06/2077347011035792872942964
30/06/2077354311136542941933035
Kartik 207706/07/2077350511036152929943023
14/07/2077352211136332926953020
21/07/2077352911036382934973031
28/07/2077353811136482955973052
Mangsir 207705/08/2077354411236562953973050
12/08/2077355911536752968983066
19/08/20773570116368529831013084
26/08/20773586108369430001013101
Poush 207703/09/20773610107371730211013123
10/09/20773617112372930351043140
17/09/20773647109375630551073161
24/09/20773651110376130751103185
29/09/20773678104378230521073244
Magh 207702/10/20773675103377931291073236

 

साथै राष्ट्र बैंकले कोभिड प्रभावितका लागि ल्याएका सहुलियत कार्यक्रमहरुले पनि बैंकहरुको कर्जा बढेको हो । केहिदिन अघि मात्र अर्थमन्त्रालयले सहुलियतको कर्जा पहुँच विस्तार गर्न सरोकारवालाहरुलाई निर्देशन समेत दिएको थियो ।

पछिल्लो समय अर्थतन्त्र चलायमान बन्दै गएको छ । जनजिवन तथा व्यापार व्यवसाय पहिलेकै अवस्थामा फर्कर्ने चरणमा रहेकाले आर्थिक गतिविधि समेत बढेपछि बैंकहरुले कर्जा विस्तार गर्न थालेका छन ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।



Share on:


Comments