लाइफ इन्स्योरेन्सतर्फ गुराँसको मात्र लाभांशको आशा: पाँचले बाँड्दा तीनले खाली हात पारे

✍️ टी.आर. पौड्याल
काठमाण्डौं।
१२चैत्र, २०७७, बिहीबार / Mar 25, 2021 14:06:pm

नेप्सेमा सूचीकृत अन्य कम्पनीहरुको तुलनामा एक्चुअरी भ्यालुएशन र परम्परागत तथा नेपाल वित्तमान प्रणाली (एनएफआरएस) लेखापरिक्षणका कारण एक वर्ष ढिला साधारण सभा हुँदै आएका जीवन बीमा कम्पनीहरुमध्ये अधिकांशले आर्थिक वर्ष २०७५/७६ को लाभांश वितरण गर्ने/नगर्ने निक्र्यौल गरेका छन् ।

नेप्सेमा सूचीकृत ९ कम्पनीमध्ये चैत १२ गते बिहीबारसम्ममा आर्थिक वर्ष २०७५।७६ बाट पाँच जीवन बीमा कम्पनीले शेयरधनीलाई लाभांश वितरण गरेका छन् भने तीन कम्पनीहरुले शेयरधनीलाई सो आर्थिक वर्षबाट लाभांश वितरण गरेनन् । अब गुराँस लाइफको मात्र आर्थिक वर्ष २०७५/७६ बाट लाभांश घोषणा हुन बाँकी छ ।

जीवन बीमा कम्पनीहरुमध्ये नेपाल लाइफले सबैभन्दा धेरै ५१ प्रतिशत लाभांश वितरण गरेको छ । लाइफ इन्स्योरेन्स कर्पोरेशनले सबैभन्दा कम १०.५२ प्रतिशत लाभांश वितरण गरेको छ । प्राइम लाईफले १५ तथा नेशनल लाइफ र सूर्या लाइफले पनि कुल १०.५२ प्रतिशत लाभांश वितरण गरे ।

Sector-Life InsuranceStock SymbolBonusCashTotalBookcloseAGM
Nepal Life Insurance  NLIC31.0020.0051.00Magh 14, WednesdayMagh 28, Wednesday
Prime Life Insurance Company PLIC7.008.0015.00Poush 17, FridayPoush 27, Monday
National Life Insurance  NLICL10.000.5310.53Magh 2, FridayMagh 15, Tuesday
Surya Life Insurance Company SLICL5.005.5310.53Poush 17, FridayMagh 5, Monday
Life Insurance  NepalLICN10.000.5210.52Falgun 7, FridayFalgun 25, Tuesday
Asian Life Insurance  ALICL0.000.000.00 - -
Reliance Life Insurance RLI0.000.000.00 -Ashad 28, Sunday
Prabhu Life Insurance Company PLI0.000.000.00 -Ashoj 29, Thusday
Gurans Life Insurance Company GLICL     

आर्थिक वर्ष २०७५/७६ बाट एशियन लाइफ तथा नयाँ जीवन बीमा कम्पनीहरु रिलायन्स लाइफ, प्रभु लाइफका शेयरधनीको भने हात खाली भएको छ । गुराँस लाइफको लाभांश घोषणा हुन बाँकी छ । जीवन बीमा कम्पनीहरुको गत आर्थिक वर्ष २०७६/७७ को लाभांश आउन भने अझै ६ महिना कुर्नुपर्ने देखिन्छ ।

सूचीकृत हुन बाँकी ज्योति लाइफ इन्स्योरेन्सको शुक्रबार आईपीओ बाँडफाँड हुुँदैछ भने सिटिजन लाइफ, सानिमा लाइफ, रिलायबल नेपाल लाइफ, सन नेपाल लाइफ, युनियन लाइफ, आईएमई लाइफ र महालक्ष्मी लाइफ इन्स्योरेन्स गरी ७ कम्पनीले आईपीओ निष्काशन गर्ने प्रकृया अगाडि बढाएका छन् ।

📣 समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।



Share on:


Comments