बीमा कम्पनीहरुद्धारा एघार महिनामा १.२८ खर्ब बीमाशुल्क संकलन

✍️ विजया बाँस्कोटा
काठमाण्डौं।
११असार, २०७८, शुक्रबार / Jun 25, 2021 16:17:pm

सञ्चालनमा रहेका ३८ बीमा कम्पनीले चालु आवको ११ महिना अवधिमा १ खर्ब २८ अर्ब ८६ करोड रुपैयाँ बीमाशुल्क संकलन गरेका छन् ।
बीमा समितिले उपलब्ध गराएको जेठ मसान्तसम्मको तथ्यांक अनुसार राष्ट्रिय बीमा कम्पनी बाहेक ३८ बीमा कम्पनीले कुल एक खर्ब २८ अर्ब ८६ करोड रूपैयाँ बीमाशुल्क आर्जन गरेका हुन् ।

बीमा समितिका अनुसार ११ महिनामा जीवन बीमा कम्पनीहरुले प्रिमियम बापत १ खर्ब २ अर्ब लाख रुपैयाँ संकलन गरेका छन् । यस्तै निर्जीवन बीमातर्फ कुल २६ अर्ब ५२ करोड रुपैयाँ संकलन भएको छ ।

जीवन बीमा अन्तर्गत नेपाल लाइफले सबैभन्दा धेरै २७ अर्ब ५७ करोड बीमाशुल्क आर्जन गरेको छ भने निर्जीवन बीमातर्फ शिखर इन्स्योरेन्सले ३ अर्ब ४६ करोड रुपैयाँ बीमाशुल्क आर्जन गरेको छ ।

जीवन बीमा कम्पनीतर्फ नेपाल लाइफपछि धेरै बीमाशुल्क आर्जन गर्ने कम्पनीमा एलआइसी नेपाल रहेको छ । कम्पनीले यस अवधिसम्मा १४ अर्ब ६९ करोड रुपैयाँ कुल बीमाशुल्क संकलन गरेको छ ।

S.NLife Insurance CompanyTotal Premium Collecation in Arba
  2078 Jestha
1Nepal Life Insurance 27.57
2Life Insurance corporation14.69
3National Life Insurance 9.57
4Rastriya Beema Sansthan7.26
5Union Life Insurance 5.70
6Asian Life Insurance 5.04
7American Life Insurance (Met life)4.55
8Surya Life Insurance 3.61
9Prime Life Insurance 3.35
10Gurans Life Insurance 3.17
11Citizen Life Insurance2.87
12Jyoti Life Insurance 2.61
13Reliable Nepal Life Insurance 2.64
14Reliance Life Insurance2.13
15I.M.E. Life Insurance 2.09
16Sun Nepal Life Insurance 1.86
17Sanima Life Insurance 1.66
18Prabhu Life Insurance 1.21
19Mahalaxmi Life Insurance 0.76
 Total102.34

समितिको तथ्याङ्क अनुसार जेठ मसान्तसमममा नेशनल लाइफले ९ अर्ब ५७ करोड रुपैयाँ प्रिमियम संकलन गर्दा सरकारी स्वामित्वमा रहेको राष्ट्रिय बीमा संस्थानले ७ अर्ब २६ करोड रुपैयाँ, यूनियनले ५ अर्ब ७० करोड रुपैयाँ, एशियनले ५ अर्ब ४ करोड रुपैयाँ, मेट लाइफले ४ अर्ब ५५ करोड रुपैयाँ, सूर्याले ३ अर्ब ६१ करोड रुपैयाँ, प्राइमले ३ अर्ब ३५ करोड रुपैयाँ, गुँरासले ३ अर्ब १७ करोड रुपैयाँ र सिटिजनले २ अर्ब ८७ करोड रुपैयाँ बीमाशुल्क आर्जन गर्न सफल भएका छन् ।

निर्जीवनतर्फ शिखरपछि सगरमाथा इन्स्योरेन्सले बढी बीमाशुल्क संकलन गरेको छ । कम्पनीले यस अवधिसम्ममा २ अर्ब २६ करोड रुपैयाँ रहेको छ । नेकोले २ अर्ब २० करोड रुपैयाँ, सिद्धार्थले २ अर्ब २ करोड रुपैयाँ, एनएलजीले १ अर्ब ८९ करोड रुपैयाँ, प्रिमियरले १ अर्ब ६० करोड रुपैयाँ रुपैयाँ बीमाशुल्क संकलन गरेका छन् ।

यसैगरी आइएमई जनरलले १ अर्ब ३२ करोड रुपैयाँ, प्रभुले १ अर्ब २६ करोड रुपैयाँ, हिमालयनले १ अर्ब २३ करोड, प्रुडेन्सियले १ अर्ब १७ करोड रुपैयाँ, लुम्बिनीले १ अर्ब १५ करोड रुपैयाँ, अजोडले १ अर्ब १४ करोड रुपैयाँ र नेपाल इन्स्योरेन्सले १ अर्ब १० करोड रुपैयाँ बीमाशुल्क संकलन गरेका छन् ।

S.NNon Life Insurance CompanyTotal Premium Collecation in Arba
  2078 Jestha
1Shikhar Insurance 3.46
2Sagarmatha Insurance 2.26
3Neco Insurance2.20
4Siddhartha Insurance 2.02
5NLG Insurance1.89
6Premier Insurance 1.60
7Prabhu Insurance 1.26
8IME General Insurance1.32
9Prudential Insurance 1.17
10Lumbini General1.15
11Ajod Insurance 1.14
12Nepal Insurance 1.10
13United Insurance Co. (Nepal) 0.94
14Oriental Insurance 0.95
16Everest Insurance 0.89
15Himalayan General 1.23
17National Insurance 0.79
18General Insurance 0.59
19Sanima General Insurance 0.56
 Total26.52

📣 समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ । 


Share on:


Comments