नेपाल-भारत रेल सेवा सुरुआतको १७ वर्षपछि निजी क्षेत्रको कार्गो रेल सञ्चालनमा

✍️ नोटबजार संवाददाता।
काठमाण्डौं
३०भाद्र, २०७८, बुधबार / Sep 15, 2021 12:18:pm

नेपाल भारत रेल सेवा सुरुवात भएको १७ वर्षपछि बुधबार पहिलो पटक भारतबाट निजी क्षेत्रको कार्गो रेल नेपाल आईपुगेको छ । हल्दीयबाट डेढ दिन लामो समयपछि पहिलो निजी कार्गो रेल वीरगन्ज आईपुगेको हो ।

इन्टरमोडल यातायात विकास समितिका कार्यकारी निर्देशक आशिष गजुरेलले बुधबार बिहान १० बजे वीरगन्जस्थित सुख्खा बन्दरगाह आईपुगेको जानकारी दिए । उनका अनुसार हल्दियाबाट खाद्यन्नको २० फिट अग्लो ९० वटा कन्टेनर बोकेको हिन्द टर्मिनल प्रालीको एक ¥याकको कार्गो रेल बुधबार वीरगन्जस्थित सुख्खा बन्दरगाह आएको हो ।

नेपाल इन्टरमोडल यातायात विकास समितिका अनुसार यो सँगै नेपालमा निजी क्षेत्रका रेलले पनि सेवा सञ्चालन गने बाटो खुलेका छ । दुई दुशबीचको गत जुलाई २०२१ मा रेल सेवा सम्झौता पुनरावलोकन सम्झौता भएकोपछि निजी क्षेत्रको रेल सञ्चालनका लागि बाटो खुला भएको थियो ।

यसअघि विसं २०६१ सालमा भएको नेपाल भारत रेल सेवा सम्झौताअनुसार भारतीय सरकारी स्वमित्वको रेलले मात्रै नेपालमा सेवा दिंदै आएको थियो ।

दुई दुशबीचको गत जुलाई २०२१ मा रेल सेवा सम्झौता पुनरावलोकन सम्झौता भएकोपछि निजी क्षेत्रको रेल सञ्चालनका लागि बाटो खुला भएको थियो । उद्योग वाणिज्य तथा आपूर्ति मन्त्रालयले निजी क्षेत्रको रेलले सेवा दिन पाउने सम्झौत भएको २ महिना ६ दिनपछि पहिलो पटक निजी रेल नेपाल आएको जनाएको छ ।

📣  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।


Share on:


Comments