ट्रेजरी बिल्सको डिस्काउन्ट रेट झनै बढ्दै, अधिकतम १२.७ प्रतिशतसम्म अफर

नोटबजार संवाददाता
काठमाण्डौं ।
१४कार्तिक, २०७९, सोमबार / Oct 31, 2022 18:00:pm

सरकारले आन्तरिक ऋणको सावा भुक्तानी नगर्ने भएपछि सोमबार नविकरणका लागि आह्वान गरिएको बोलबाट सबै प्रकारका ट्रेजरी बिल्सको औसत डिस्काउन्ट रेट दोहोरो अंकमा पुगेको छ । बैंकिङ प्रणालीमा लगानी योग्य रकमको अभाव भएपछि बैंकहरुले डिस्काउन्ट रेट बढेर सरकारी ऋण पत्र खरिदको अफर दिएका हुन ।

सरकारले सावाँ भुक्तानी नगर्ने भएपछि सोमबार १६ अर्ब ६६ करोड रुपैयाँ बरावरको टे«जरी बिल्स नविकरणको गरेको हो । उक्त बोलमा बैंक वित्तीय संस्थाले अघिकत १२.७० प्रतिशतसम्म डिस्काउन्ट रेट मागेका हुन । नेपाल राष्ट्र बैंकले तीन प्रकारका सरकारी ऋणपत्र नविकरणका लागि बोलकबोल आह्वान गरेको थियो।

सोमबार केन्द्रीय बैंकले ९१, १८२ र ३६४ दिने ट्रेजरी बिल्स नविकरणका लागि बोलकबोल गरेको हो । त्यस मध्ये ९१ दिने ५ अर्ब १० करोड रुपैयाँ बरावरको रहेको छ भने १८२ दिने १० अर्ब रुपैयाँ बरावरको रहेको छ । त्यसैगरी ३६४ दिने टे«जरी बिल्स एक अर्ब ५६ करोड रुपैयाँ बरावरको रहेको छ ।

उक्तट्रेजरी बिल्सका लागि बैंक वित्तीय संस्थाले सबैमा दोहोरो अंकको डिस्काउन्ट रेट बोल गरेका छन् । बैंक वित्तीय संस्थाले ९१ दिने ट्रेजरी बिल्सको न्यूनतम ९.९४११ र अधिकतम ११.४३४८ प्रतिशत डिस्काउन्ट अफर गरेका छन् । यसको औसत डिस्काउन्ट रेट ११.१९६० प्रतिशत कायम भएको छ ।

त्यसैगरी १८२ दिने ट्रेजरी बिल्सका लागि बैंक वित्तीय संस्थाले न्यूनतम १०.३००१ र अधिकतम १२.७०४४ प्रतिशत डिस्काउन्ट अफर गरेका छन् । उक्त ट्रेजरीको औसत डिस्काउन्ट रेट ११.६४२५ प्रतिशत कायम भएको नेपाल राष्ट्र बैंकले जनाएको छ ।

राष्ट्र बैंकले सरकारका लागि आन्तरिक ऋणका लागि निष्कासन गरेको ३६४ दिने ट्रेजरी बिल्का लागि बैंक वित्तीय संस्थाले न्यूनतम १०.५०९४ र अधिकतम ११.४३०० प्रतिशत डिस्काउन्ट अफर गरेका छन् । यसको औसत डिसकाउन्ट रेट भने १०.९७५७ प्रतिशत कायम भएको छ।

ट्रेजरीको औसत डिस्काउन्ट रेट यसभन्दा अघिको तुलनामा धेरै हो । बैंकहरुले निक्षेपको ब्याजदर नवढाउने सहमती गरेको भएपनि टे«जरीको लगानीमा भने उच्च डिस्काउन्ट रेट माग गरेका हुन । यसभन्दा अघि गत साउनको सुरुवातीमा पनि बैंकहरुले उच्च ब्याजदर माग गरेपछि राष्ट्र बैंक आफैले ट्रेजरी बिल्सको खरिद गरेको थियो । तर, सोमबार भने बैंक वित्तीय संस्थाले उच्च ब्याजदर माग गर्दा पनि ब्याजदर नियन्त्रणका लागि राष्ट्रबैंकले हस्तक्षेप गरेन । यसले आगामी दिनमा अझै ब्याजदर बढोस भन्ने पक्षमा राष्ट्र बैंक रहेको स्पष्ट हुन्छ ।

यसभन्दा अघि अथार्त आइतबार पनि ५ अर्ब ६० करोड रुपैयाँ बरावरको टे«जरी बिल्सको निष्कासन भएको थियो । उक्त ट्रेजरी राष्ट्र बैंक आफैले खरिद गरेको छ । आइतबार सार्वजनिक विदाका कारणले पनि बैंक वित्तीय संस्थाले बोल नगरेपछि केन्द्रीय बैंक आफैले खरिद गरेको हो । सरकारले ९१ दिने ३ अर्ब ६० करोड र ३६४ दिने २ अर्ब रुपैयाँ बरावरको ट्रेजरी नविकरण गरेको हो । त्यसमा राष्ट्र बैंकले ९१ दिनेका लागि औसत १०.७१८९ र ३६४ दिनेका लागि १०.७६६३ प्रतिशत डिस्काउन्ट रेट कायम गरेको छ ।

📣  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।

 


Share on:


Comments