सिभिल बैंकबाट डेढ लाख कित्ता शेयर बिक्री गरेर संस्थापक बाहिरिँदै

सिभिल बैंकका एक संस्थापकले करिब डेढ लाख कित्ता शेयर बिक्री गरेर बाहिरिने भएका छन्। उनले सो शेयर बिक्री गर्ने भएपछि बैंकले असार ८ गते आइतबारदेखि संस्थापक समूहको १ लाख ४९ हजार ८९ कित्ता शेयर लिलामीमा ल्याएको छ।

बोलपत्र पेश गर्दा न्यूनतम दश हजार कित्ता देखि अधिकतम सबै कित्ताका लागि आवेदन दिन सकिनेछ । लिलामी शेयरमा असार २२ गते भित्र बिक्री प्रबन्धक ग्लोबल आइएमई क्यापिटलको मुख्य कार्यालय राष्ट्रिय नाचघर, जमल काठमाडौंमा आईपुग्ने गरी बोलपत्र पेश गर्नेपर्नेछ ।

उक्त बोलपत्र असार २३ गते बिहान ११ बजे खुला गरिने बिक्री ग्लोबल आइएमई क्यापिटलले जनाएको छ । इच्छुक योग्य व्यक्ति तथा संस्थाले उक्त शेयरमा न्यूनतम प्रतिकित्ता १०० रुपैयाँदेखी बढाबढ मूल्य तोकेर बोलपत्र पेश गर्न सक्नेछन् । बैंकको संस्थापक शेयर अन्तिम पटक ११६ रुपैयाँमा कारोबार भएको छ ।

राष्ट्र बैंकको व्यवस्था बमोजिम एक प्रतिशतभन्दा बढी संस्थापक शेयर खरिद बिक्री गर्न अनिवार्य रुपमा केन्द्रीय बैंकको स्वीकृति लिनुपर्छ । त्यस अनुसार बैंकको ठुला लगानीकर्ताहरु बाहिरिन लागेको बुझिएको छ ।

हाल सिभल बैंकमा इच्छाराज तामाङ्गसँग ६.३० प्रतिशत, सृजना शाक्यको नाममा ४.६२ प्रतिशत, राजु श्रेष्ठ १.४८, मिना महर्जन १.३८, अमिररन्त डैगोल र त्रिरत्न महर्जनसँग समान १.११ प्रतिशत र जय महाशक्ति टे«ेड इन्भेष्मेन्ट एण्ड सप्लायर्स प्रालिको नाममा १.०५ प्रतिशत संस्थापक शेयर हिस्सा रहेको छ ।