गुहेश्वरी मर्चेण्ट बैंकिङ्ग एण्ड फाइनान्स कम्पनी लिमिटेड (GMFIL) ले गत आर्थिक वर्ष २०७७/७८ को मुनाफाबाट फाइनान्सका शेयरधनीहरूलाई ९ करोड ९ लाख ४७ हजार ३६८ रुपैयाँ बराबरको लाभांश वितरण गर्ने प्रस्ताव गरेको छ ।
फाइनान्सको मंसिर १५ गते, बुधबार बसेको सञ्चालक समितिको बैठकले चुक्ता पूँजीको १० प्रतिशतले हुन आउने ८ करोड ६४ लाख रुपैयाँ बराबरको बोनस सेयर र बोनसमा लाग्ने कर प्रयोजनका लागि ०.५२६३ प्रतिशतले हुन आउने ४५ लाख ४७ हजार ३६८ रुपैयाँ नगद लाभांश वितरण गर्ने प्रस्ताव गरेको हो ।
फाइनान्सको सञ्चालक समितिको बैठकबाट प्रस्तावित उक्त लाभांश नियामक निकायम नेपाल राष्ट्र बैंकको स्वीकृत तथा फाइनान्सको आगामी वार्षिक साधारण सभाबाट पारित भएपछि मात्र लगानीकर्तामा वितरण हुनेछ ।
अघिल्लो आर्थिक वर्ष २०७६/७७ को मुनाफाबाट फाइनान्सका शेयरधनीहरूलाई चुक्ता पूँजीको ८ प्रतिशत बोनस सेयर र कर प्रयोजन सहित ३.३० गरी कुल ११.४० प्रतिशत लाभांश वितरण गरेको थियो । समीक्षाा अवधिमा कम्पनीकाे लाभांश ०.८७ प्रतिशतले घटेकाे हाे ।
हाल फाइनान्सको चुक्ता पूँजी ८६ करोड ४० लाख रुपैयाँ रहेको छ । प्रस्तावित ८ करोड ६४ लाख रुपैयाँ बोनस सेयर वितरणपछि कम्पनीको चुक्ता पूँजी ९५ करोड ४ लाख रुपैयाँ पुग्नेछ ।
यस्तो छ लाभांश इतिहासः
S.N. | Fiscal Year | Bonus Dividend(%) | Cash Dividend(%) | Total Dividend(%) |
1 | 2077/2078 | 10.00 | 0.53 | 10.53 |
2 | 2076/2077 | 8.00 | 3.40 | 11.40 |
3 | 2075/2076 | 0.00 | 6.50 | 6.50 |
4 | 2074/2075 | 0.00 | 5.26 | 5.26 |
5 | 2073/2074 | 15.80 | 15.80 | |
6 | 2072/2073 | 12.00 | 0.63 | 12.63 |
7 | 2071/2072 | 15.00 | 0.79 | 15.79 |
8 | 2070/2071 | 23.75 | 1.25 | 25.00 |
9 | 2069/2070 | 15.00 | 2.00 | 17.00 |
10 | 2068/206 | 15.00 | 0.79 | 15.79 |
? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
प्रतिक्रिया