ताइवानी चीपमेकर कम्पनीले अमेरिकामा ४० अर्ब डलर लगानी गर्दै

ताइवानी चीपमेकर कम्पनी–ताइवान सेमीकन्डक्टर म्यानुफ्याक्चरीङ कम्पनी (टीएसएमसी)ले अमेरिकाको अरिजोना प्रान्तमा ४० अर्ब डलर लगानी गर्ने भएको छ।

कम्पनीले प्राविधिक रुपले एड्भान्स चीपको निर्माणका लागि उक्त रकम लगानी गरेको हो । अमेरिकी इतिहासमा ताइवानी चीपमेकर कम्पनीले गरेको लगानी नै सबैभन्दा धेरै प्रत्यक्ष वैदेशिक लगानी रहेको छ ।

टीएसएमसीले यस अघि चीप प्लान्टको निर्माणका लागि १२ अर्ब डलर लगानी गर्ने घोषणा गरेको थियो । विश्वव्यापी रुपमा चीपको माग बढ्दै गएपछि कम्पनीले उक्त लगानी बढाएर ४० अर्ब पु¥याएको हो ।

कम्पनीले अरिजोना प्रान्तमा बनाएको प्लान्टको उद्घाटन समारोहमा राष्ट्रपति जो बाइडेनले कम्पनीको लगानीलाई सराहना गर्दै, यसले चीप अभावको समस्या समाधान गर्ने बताएका छन् ।

अमेरिकाले चीप उत्पादनमा हुने लगानीलाई प्रवद्र्धन गर्नका लागि चिप्स एन्ड साइन्स ऐन अघि सारेको छ । यस ऐन अन्तर्गत कम्पनीहरुले चीप उत्पादनका लागि सस्तो ब्याजदरमा कर्जा लिन सक्ने छन् ।

कम्पनीले अरिजोना प्रान्तमा बनाएको प्लान्टको उद्घाटन समारोहमा राष्ट्रपति जो बाइडेनले कम्पनीको लगानीलाई सराहना गर्दै, यसले चीप अभावको समस्या समाधान गर्ने बताएका छन् ।

टीएसएमसीले अमेरिकाको फोनेक्स सहरमा आफ्नो पहिलो चीप प्लान्ट निर्माण गरेको थियो । दुई प्लान्टहरुबाट वार्षिक रुपमा ६ लाख वाफर्सको उत्पादन हुने र त्यसले अमेरिकामा चीपको मागलाई पूरा गर्ने नेशनल इकोनोमिक काउन्सिलका कार्यकारी सह–निर्देशक रोनी च्याटर्जीले बताएका छन् ।

सेमीकन्डक्टर चीप हामीले प्रयोग गर्ने स्मार्टफोन, कम्प्यूटर, कार, माइक्रोवेभ, स्वास्थ्य क्षेत्रका उपकरणहरुमा प्रयोग हुने गरेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।