ओटिपीको मात्र भर नपरी टू फ्याक्टर अथेन्टिकेसन प्रणाली प्रयोग गर्न टेलिकमको आग्रह

नेपाल टेलिकमले मोबाइल नम्बरको प्रयोग गरी आर्थिक कारोबार गर्दा वान टाइम पासपोर्ट (ओटिपी) को मात्रै भर नपरी टू फ्याक्टर अथेन्टिकेसन प्रणाली प्रयोग गर्न अनुरोध गरेको छ ।

हालको अवस्थामा सिमकार्डको प्रयोग कुराकानी गर्न, सन्देश पठाउन र इन्टरनेट चलाउन मात्र नभई राष्ट्रिय परिचय पत्र, नागरिक एप, बैंकिङ कारोबार, शेयर कारोबार, नगद लेनदेन तथा सामाजिक सञ्जालमा प्रयोग हुँदै आएको छ ।

अरुको नाममा रजिष्टर भएको सिमकार्ड प्रयोग गर्दा मोबाइल नम्बरमा रहेका सम्पूर्ण तथ्यांक, बैंकिङ कारोबार र अन्य कतिपय महत्वपूर्ण व्यक्तिगत सामग्रीहरु असम्बन्धित व्यक्तिको पहुँचमा पुग्ने जोखिम बढेको छ ।

सोहि प्रकारका जोखिमहरुको न्यूनिकरणका लागि नेपाल टेलिकमले ग्राहकहरुलाई आफ्नै नाममा रजिष्टर भएको सिमकार्ड प्रयोग गर्न भनेको हो ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।