विश्वव्यापी रुपमा ‘केन्द्रीय बैंक डिजिटल मुद्रा’ को विकासमा अग्रसर हुँदै आइएमएफ

अन्तराष्ट्रिय मुद्रा कोष (आइएमएफ)ले केन्द्रीय बैंक डिजिटल मुद्रा (सिबिडिसी)को विकासको अवधारणामा काम गरिरहेको आइएमएफकी प्रबन्ध निर्देशक क्रिष्टालिना जिर्योजिभाले बताएकी छिन् ।

सिबिडिसीको प्रयोगलाई अन्तरदेशीय बनाउने उद्देश्यका साथ आइएमएफ अगाडि बढिरहेको मोरोक्कोमा आयोजित अफ्रिकन केन्द्रीय बैंकहरुको सम्मेलनमा क्रिष्टालिनाले जानकारी दिइन् ।

केन्द्रीय बैंक डिजिटल मुद्रा विकासको लागि देशहरु साझा नियामक नीति निर्माणमा सहमत हुन सकेमा सिबिडिसीको अन्तरदेशीय सञ्चाल निर्माणका लागि सहयोग पुग्नेछ । सीबिडिसी केन्द्रीय बैंक द्वारा नियन्त्रित डिजिटल मुद्रा हो, यो केन्द्रीय बैंकमा केन्द्रीत हुन्छ भने क्रिप्टोकरेन्सी विकेन्द्रीकृत लेजरमा आधारित हुन्छ ।

हाल भारत सहित ११४ अन्य केन्द्रीय बैंकहरूले सिबिडिसी विकासको प्रक्रिया सुरु गरेका छन् । कतिपय केन्द्रीय बैंकहरुले पाइलट परियोजना लागु गरिरहेका छन् भने १० केन्द्रीय बैंकहरु सिबिडिसी विकासको अन्तिम चरणमा पुगिसकेका छन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।