ऋण नतिर्न अराजक गतिविधि गर्नेलाई तुरुन्तै कारवाही गर्न बैंक तथा वित्तीय संस्थाको माग

बैंक तथा वित्तीय संस्थाबाट कर्जा लिएर नतिर्न अराजक गतिविधि गर्ने व्यक्ति तथा समुहलाइ तत्काल कारबाही गर्न बैंक तथा वित्तीय संस्थाका छाता संगठनले माग गरेका छन् । उनीहरुले सोमबार पूर्वी नेपालका केही बैंक वित्तीय संस्थाको सेवा प्रबाहमै अबरोध भएपछि कारबाहीको माग गरेका हुन ।

सोमबार पूर्वी नेपालको इटहरी, सुनसरी तथा विर्तामोड, झापा स्थित केही बैंक, वित्त तथा लघुवित्त संस्थाहरुको शाखामा कर्जा नतिर्ने ऋणीले शाखा संचालनमा अवरोध गरेको बैंकर्स संघले जनाएको छ ।

बैंकर्स संघ, डेभलपमेन्ट बैंकर्स संघ, फाइनान्स कम्पनी एसोसिएसन र लघुवित्त बैंकर्स संघले सयुक्त रुपमा यस्ता गतिविधिको विरोध गर्दै तत्कालन कारबाही गर्न सरकारसंग माग गरेका हुन । सेवा प्रबाहमा अवरोध पु्रयाउने व्यीक्तहरुले बैंक वित्तीय संस्थाका कर्मचारीहरुलाई धम्क्याएको समेतउनीहरुले जनाएका छन्। ग्राहकहरुलाई अत्यावश्यक बैंकिङ्ग सेवा लिनबाट बञ्चित गरेकोमा चारवटौ संघले निन्दा गरेको छ ।

उनीहरुले यस विषयमा सुरक्षा निकायले यथाशिघ्र आवश्यक कदमीलिई शाखा संचालन गर्न तथा कर्मचारी/ग्राहकको सुरक्षाका लागी समेत माग गरेका छन ।

ऋण लिए पछि तिर्नुपर्छ भन्ने सामान्य सिद्धान्त सबैले बुझ्न पर्ने भन्दै उनीहरुले ऋण नतिर्ने बहानामा अराजक गतिविधि गर्नेहरुलाई तुरुन्तै कारवाहीको दायरामा ल्याई शान्ति/सुरक्षा कायम गरी आवश्यक सुरक्षाको प्रबन्ध गरिदिन पनि उनीहरुले माग गरेका छन । आगामी दिनमा यस्तो गतिविधिहरु भए सशक्त रुपमा प्रस्तुत हुने उनीहरुले जनाएका छन ।

मुलुकले समेत अत्यावश्यक सेवाको रुपमा पहिचान गरेको बैंकिङ्ग क्षेत्र निर्वाध रुपमा संचालन गर्न र सेवा पु¥याउन कुनै पनि तत्वहरुले बाधा पु¥याएको खण्डमा सो गैर–कानूनी हो । ग्राहकहरुले सेवा लिन आउँदा कुनै पनि अबरोध गरिएमा वा शाखा संचालनमा कुनै बाधा पु¥याइएको खण्डमा सो उपर सुरक्षा निकायले आवश्यक कदम लिनेमा उनीहरु विश्वस्त छन् ।

? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।