जीवन बीमा कम्पनीद्धारा चार महीनामा साढे ४९ अर्ब प्रिमियम संकलन, ७.४४% बढ्यो

चालु आर्थिक वर्ष २०८०/८१ को प्रथम चौमासिक अवधिमा जीवन बीमा कम्पनीहरुले ४९ अर्ब ४३ करोड ६२ लाख ८४ हजार रुपैयाँ प्रिमियम संकलन गरेका छन् । गत आवको सोही अवधिको तुलनामा ७.४४ प्रतिशत अर्थात ३ अर्ब ४२ करोड ४७ लाख ४९ हजार रुपैयाँले प्रिमियम रकम बढेको हो ।

नेपाल बीमा प्राधिकरणको तथ्याङ्क अनुसार अघिल्लो कार्तिकसम्ममा जीवन बीमा कम्पनीहरुले ४६ अर्ब १ करोड १५ लाख ३५ हजार रुपैयाँ बीमाशुल्क संकलन गरेका थिए । चालु आवको प्रथम चौमासिकमा सञ्चालनमा रहेका १४ मध्ये ५ कम्पनीले बीमाशुल्क संकलन घटेको छ भने ९ कम्पनीले बढाएका छन् । कार्तिकमा सबै बीमा कम्पनीको संकलित बीमाशुल्क १५.६३ प्रतिशतले घटेको भएपनि अघिल्ला तीन महीनामा बढेका कारण समग्रमा कुल बीमाशुल्क रकम भने करिब साढे ७ प्रतिशतको वृद्धि देखिएको हो ।

कार्तिक मसान्तसम्ममा कम्पनीहरुले प्रथम बीमाशुल्क वापत ८ अर्ब ६२ करोड ३६ लाख ६७ हजार रुपैयाँ र नवीकरण बीमाशुल्क ४० अर्ब ८१ करोड २६ लाख १६ हजार रुपैयाँ गरी कुल ४९ अर्ब ४३ करोड ६२ लाख ८४ हजार रुपैयाँ संकलन भएको हो । जसमा प्रथम बीमाशुल्कको हिस्सा १७.४४% र नवीकरण बीमाशुल्कको हिस्सा ८२.५६% छ । कार्तिकसम्ममा जीवन बीमा कम्पनीहरुमा सक्रिय बीमलेखको संख्या १ करोड ३७ लाख १४ हजार ५४७ वटा बीमालेख रहेको छ ।

चौध जीवन बीमा कम्पनीहरुमध्ये कार्तिक मसान्तसम्ममा नेपाल लाइफले सबैभन्दा धेरै १३ अर्ब ४३ करोड ७६ लखा ९४ हजार रुपैयाँ प्रिमियम संकलन गरेको छ । कम्पनीको बीमाशुल्क अघिल्लो कार्तिकसम्मको तुलनामा ४.०५ प्रतिशत अर्थात ५२ करोड ३० लाख ७८ हजार रुपैयाँले धेरै हो । यस्तै लाइफ इन्स्योरेन्स कर्पोरेशनले प्रथम चौमासमा ५ अर्ब ५६ करोड ५९ लाख ३६ हजार रुपैयाँ कुल बीमाशुल्क संकलन गरेको छ । यो बीमाशुल्क अघिल्लो कार्तिकसम्मको तुलनामा ३.४८ प्रतिशत अर्थात २० करोड ६ लाख ६ हजार रुपैयाँ थोरै हो ।

यसैगरी नेशनल लाइफलाई पछि पार्दै हिमालयन लाइफ इन्स्यारेन्स तेस्रो स्थानमा उक्लिएको छ । कम्पनीले कार्तिकसम्म ५ अर्ब ३६ करोड ५६ लाख १६ हजार रुपैयाँ प्रिमियम संकलन गरेको छ । यो रकम अघिल्लो कार्तिकसम्म संकलिन प्रिमियमको तुलनामा ७.७० प्रतिशत अर्थात ३८ करोड ३७ लाख ९१ हजार रुपैयाँ अधिक हो । नेशनल लाइफ इन्स्योरेन्सले चालु आवको चार महीना अवधिमा ५ अर्ब २९ करोड ३५ लाख ६२ हजार रुपैयाँ बीमाशुल्क संकलन गरेको छ । अघिल्लो आवको सोही अवधिमा कम्पनीले ५ अर्ब ४९ करोड २ लाख ४३ हजार रुपैयाँ कुल बीमाशुल्क आर्जन गरेको थियो । समीक्षा अवधिमा कम्पनीको बीमाशुल्क ३.५८ प्रतिशत अर्थात ८८१९ करोड ६६ लाख ८१ हजार रुपैयाँ कम हो ।

बीमा प्राधिकरणको तथ्याङ्क अनुसार सरकारी स्वामित्वको राष्ट्रिय जीवन बीमा कम्पनी लिमिटेड (साबिक राष्ट्रिय बीमा संस्थान) को बीमशुल्क संकलन १८५.५८ प्रतिशत अर्थात २ अर्ब ७४ करोड ८९ लाख २५ हजार रुपैयाँले बढेको छ । गत कार्तिक मसान्तसम्म १ अर्ब ४८ करोड १२ लाख ५४ हजार रुपैयाँ प्रियियम संकलन गरेको यस कम्पनीले यस वर्षको सोही अवधिमा ४ अर्ब २३ करोड १ लाख ७९ हजार रुपैयाँ प्रिमियम संकलन गरेको हो । यसैगरी छैटौं धेरै प्रिमियम संकलन गरेको सुर्यज्योति लाइफ इन्स्योरेन्सले २ अर्ब ७६ करोड २१ लाख ४५ हजार रुपैयाँ बीमाशुल्क उठाएको छ । यो अघिल्लो कार्तिकको तुलनामा १४ करोड ५३ लाख ३९ हजार रुपैयाँ अर्थात ५ प्रतिशत कम हो । एशियन लाइफ इन्स्योरेन्सको कुल बीमाशुल्क २ अर्ब ३६ करोड ५१ लाख ७८ हजार रुपैयाँ छ । अघिल्लो कार्तिकसम्ममा कम्पनीले २ अर्ब २७ करोड ९० लाख ६ हजार रुपैयाँ बीमाशुल्क संकलन गरेको थियो ।, समीक्षा अवधिमा ३.७८ प्रतिशत अर्थात ८ करोड ६१ लाख ७२ हजार रुपैयाँले प्रिमियम संकलन बढेको हो ।

प्राधिकरणको कार्तिक मसान्तसम्मको तथ्याङ्क अनुसार सानिमा लाइफ इन्स्यारेन्सले कुल १ अर्ब ८९ करोड ५३ लाख ८७ हजार रुपैयाँ बीमाशुल्क संकलन गरेको छ । अघिल्लो कार्तिकसम्ममा १अर्ब ८३ करोड ४४ लाख ९३ हजार रुपैयाँ बीमाशुल्क संकलन गरेको सानिमा लाइफको ३.३२ प्रतिशत अर्थात ६ करोड ८ लाख ९४ हजार रुपैयाँले बीमाशुल्क बढेको हो । यसैगरी चालु आवको चौथो महीना कार्तिकसम्ममा सटिजन लाइफ इन्स्योरेन्सको बीमाशुल्क रकम २.३७ प्रतिशत अर्थात ४ करोड ३३ लाख ६३ हजार रुपैयाँले घटेको छ । कार्तिक मसान्तसम्ममा सिटिजन लाइफ इन्स्योरेन्सले १ अर्ब ७८ करोड ७० लाख २५ हजार रुपैयाँ प्रिमियम उठाएको छ । विसं २०७९ कार्तिकसम्ममा सिटिजनको संकलित बीमाशुल्क १ अर्ब ८३ करोड ३ लाख ८८ हजार रुपैयाँ थियो । यस्तै मेट लाइफ इन्स्योरेन्सले १ अर्ब ७१ करोड ५४ लाख १५ हजार रुपैयाँ बीमाशुल्क संकलन गरेको छ । यो अघिल्लो कार्तिकसम्मको तुलनामा १.९९ प्रतिशत अर्थात ३ करोड ३५ लाख ११ हजार रुपैयाँ कम हो ।

त्यस्तै कात्तिक महीनासम्ममा प्रभु महालक्ष्मी लाइफ इन्स्योरन्सको बीमाशुल्क १४.४३ प्रतिशत, आईएमई लाइफ इन्स्योरेन्सको १३.२४ प्रतिशत र रिलायबल नेपाल लाइफको ६.०३ प्रतिशतले बीमशुल्क बढेको छ ।समीक्षा अवधिमा सन नेपाल लाइफ इन्स्योरन्सको १६.३३ प्रतिशतले बीमाशुल्क घटेको हो ।  प्राधिकरणको तथ्याङ्क अनुसार कार्तिक मसान्तसम्ममा प्रभु महालक्ष्मी लाइफ इन्स्योरन्सले १ अर्ब ३७ करोड ३७ लाख ५४ हजार रुपैयाँ बीमाशुल्क संकलन गरेको छ । २०७९ कार्तिकसम्म कम्पनीले १ अर्ब २० करोड ५ लाख ४२ हजार रुपैयाँ बीमाशुल्क संकलन गरेको थियो । जुन १७ करोड ३२ लाख १२ हजार रुपैयाँ कम हो । यसैगरी आईएमई लाइफ इन्स्योरेन्सले कार्तिकसम्ममा १५ करोड २४ लाख २९ हजार रुपैयाँले वृद्धि गर्दै कुल १ अर्ब ३० करोड ३४ लाख ७० हजार रुपैयाँ बीमाशुल्क बीमाशुल्क संकलन गरेको छ । अघिल्लो कार्तिकसम्ममा १ अर्ब १५ करोड १० लाख ४१ हजार रुपैयाँ थियो । मीक्षा अवधिमा रिलायबल नेपाल लाइफले पनि अघिल्लो कार्तिको तुलनामा ६ करोड ८९ लाख ३० हजारले वृद्धि गरेर १ अर्ब २१ करोड २६ लाख ८५ हजार रुपैयाँ बीमाशुल्क उठाएको छ । अघिल्लो कार्तिकसम्म कम्पनीले १ अर्ब १४ करोड ३७ लाख ५५ हजार रुपैयाँ बीमाशुल्क संकलन गरेको थियो ।

बीमाशुल्कको हिसाबले सन नेपाल लाइफ सबैभन्दा पुछारमा रहेको छ । कम्पनीले चालु आवको प्रथम चौमासिक अवधिमा १ अर्ब १२ करोड ८२ लाख ३८ हजार रुपैयाँ कुल बीमाशुल्क संकलन गरेको छ । सन नेपालले अघिल्लो कार्तिकसम्ममा १ अर्ब ३४ करोड ८४ लाख ४२ हजार रुपैयाँ बीमाशुल्क संकलन गरेकोमा समीक्षा अवधिमा २२ करोड २ लाख ४ हजार रुपैयाँले घटेको हो ।

सक्रिय बीमालेखको संख्या २ लाख २७ हजारले घट्यो, कुनको कति ?

चालु आर्थिक वर्षको प्रथम चौमासिक अवधिमा जीवन बीमा कम्पनीहरुले जारीगरेका १ करोड ३७ लाख १४ हजार ५४७ वटा बीमालेख सक्रिय रहेका छन् । यो संख्या अघिल्लो कार्तिक मसान्तसम्मको तुलनामा २ लाख २७ हजार ७६२ वटाले कम हो । अघिल्लो कार्तिक मसान्तसम्म जीवन बीमकहरुले १ करोड ३९ लाख ४२ हजार ३०९ वटा बीमालेख सक्रिय थिए ।

समीक्षा अवधिमा सबैभन्दा धेरै सङ्ख्यामा बीमालेख जारी गरेको रिलायबल नेपाल लाइफको बीमालेख सबैभन्दा धेरैले सक्रिय बीमालेख सङ्ख्या घटेको छ । अघिल्लो कार्तिकको तुलनामा कम्पनीको बीमालेख ६ लाख ६८ हजार ८५८ वटाले घटेर ३२ लाख ३५ हजार २२५ वटामा कामय भएको हो ।  यसैगरी अघिल्लो कार्तिकको तुलनामा सिटिजन लाइफको सक्रिय बीमालेख सङ्ख्या २ लाख ८९ हजार ६९२ वटा, मेट लाइफको १ लाख ८५ हजार ४२१ वटा, सानिमा रिलायन्स लाइफको १ लाख ६५ हजार ४२६ वटा र प्रभु महालक्ष्मी लाइफको ३० हजार ६५८ वटाले घटेको छ ।

कार्तिक समान्तसम्ममा नेशनल लाइफको १५ लाख ६९ हजार २२९ वटा, सिटिजन लाइफको १२ लाख ५४ हजार १३१ वटा, नेपाल लाइफको ११ लाख ९७ हजार ५९७ वटा, सानिमा रिलायन्सको ९ लाख ३७ हजार ७७८ वटा, सूर्यज्योति लाइफको ९ लाख ३५ हजार ५९९ वटा र सन् नेपाल लाइफको सक्रिय बीमालेखको सङ्ख्या ९ लाख १४ हजार ३४७ वटा रहेको छ ।

प्राधिकरणका अनुसार मेट लाइफ इन्स्योरेन्समा सक्रिय बीमालेखको सङ्ख्या ८ लाख ३ हजार ९१ वटा, एलआईसी नेपालले ७ लाख २ हजार ६५६ वटा, एशियन लाइफ इन्स्योरेन्समा ६ लाख २६ हजार ९२७ वटा, राष्ट्रिय जीवन बीमा कम्पनीमा ५ लाख ८० हजार ३५६ वटा, हिमालयन लाइफमा ३ लाख ८६ हजार ४६५ वटा, आईएमई लाइफमा ३ लाख ८३ हजार ७९५ वटा रहेको छ । कार्तिक मसान्तसम्ममा प्रभु महालइमी लाइफ इन्स्योरेन्समा सक्रिय बीमलेख सङ्ख्या १ लाख ६९ हजार ३५१ वटा रहेको छ ।