फागुनमा १६ कम्पनीले साधारण सभा सम्पन्न गर्दै, पाँचले दिँदैछन् लाभांश

चालु आर्थिक वर्षको पुस मसान्तभित्र साधारण सभा सम्पन्न गर्न नसकेका नेप्सेमा सूचीकृत १६ कम्पनीले फागुन महीनाका लागि वार्षिक साधारण सभा बोलाएका छन् । साधारण सभा आह्वान गरेका १६ मध्ये सेयरधनीलाई ५ कम्पनीले मात्र सेयरधनीलाई लाभांश दिएका छन् भने ११ कम्पनीले सेयरधनीलाई निराश बनाएका छन् ।

कम्पनी ऐन अनुसार कम्पनीहरूले पुस मसान्तसम्म नै साधारण सभा सक्नुपर्ने हो । तर विभिन्न कारणले धेरै कम्पनीले पुस मसान्तमा सभा सकाउन नसकेपछि फागुनमा पनि सभा बोलाउने क्रम जारी छ । फागुनमा एजीएम आह्वान गरेका १६ मध्ये दश ओटा लघुवित्त रहेका छन् । चार इन्स्योरेन्स, एक हाइड्रोपावर, एक फाइनान्स रहेका छन् ।

पाँच कम्पनीले दिँदैछन् लाभांश

फागुन महीनामा साधारण सभा आह्वान गरेका पाँच कम्पनीले सेयरधनीलाई लाभांश सहितको साधारण सभा बोलाएका छन् । फागुनमा सभा बोलाएका एशियन लाइफ इन्स्योरेन्स, सिद्धार्थ प्रिमियमर इन्स्योरेन्स, हिमालयन रि–इन्स्योरेन्स, युनाइटेड इदी मर्दी एण्ड आरबि हाइड्रोपावर र स्वरोजगार लघुवित्तले सेयरधनीलाई लाभांश दिने भएका हुन् ।

एशियन लाइफ इन्स्योरेन्सले गत आर्थिक बर्षको नाफाबाट ७.७५ प्रतिशत बोनस र कर प्रयोजनका लागि ०.४० प्रतिशत नगद लाभांश दिँदैछ । सेयरधनीलाई लाभांश सहित चुक्ता पुँजीको ४२ प्रतिशत हकप्रद सेयर निष्कासन गर्ने प्रस्ताव सहित इन्स्योरेन्सले फागुन १८ गते शुक्रबार साधारण सभा बोलाएको छ ।

सभा प्रयोजनका लागि कम्पनीले फागुन ८ गते बुकक्लोज गर्दैछ । बुकक्लोज अनुसार फागुन ६ गते आइतबारसम्म नेप्सेमा सेयर कारोबार भई कायम रहेका सेयरधनीले लाभांश पाउनेछन् ।

सिद्धार्थ प्रिमियमर इन्स्योरेन्सले गत आवको नाफाबाट चुक्ता पुँजीको ११ प्रतिशत नगद लाभांश दिँदैछ । इन्स्योरेन्सले फागुन ३० गते बुधबार वार्षिक साधारण सभा बोलाएको छ । सभा प्रयोजनका लागि कम्पनीले फागुन ११ गते बुकक्लोज गर्दैछ । बुकक्लोज अनुसार फागुन १० गते बिहीबारसम्म नेप्सेमा सेयर कारोबार भई कायम रहेका सेयरधनीले लाभांश पाउनेछन् ।

यसैगरी हिमालयन रिइन्स्योरेन्स फागुन २० गते आइतबारका लागि सभा बोलाएको छ । सभाले सेयरधनीलाई चुक्ता पुँजीको ४.२१ प्रतिशत लाभांश दिने प्रस्ताव पारित गर्ने छ । सभा प्रयोजनका लागि कम्पनीले फागुन ११ गते बुकक्लोज गर्दैछ । बुकक्लोज अनुसार फागुन १० गते बिहीबारसम्म नेप्सेमा सेयर कारोबार भई कायम रहेका सेयरधनीले लाभांश पाउनेछन् ।

युनाइटेड इदी मर्दी एण्ड आरबि हाइड्रोपावर गत आर्थिक वर्षको नाफाबाट चुक्ता पुँजीको ५.५० प्रतिशत बोनस सेयर र कर प्रयोजनका लागि ०.२८९ प्रतिशत नगद लाभांश दिँदैछ । लाभांश पारित गर्न कम्पनीले फागुन १७ गते बिहीबार साधारण सभा बोलाएको छ । कम्पनीले सभा प्रयोजनका लागि कम्पनीले फागुन ४ गते बुकक्लोज गर्दैछ । बुकक्लोज अनुसार फागुन ३ गते बिहीबारसम्म नेप्सेमा सेयर कारोबार भई कायम रहेका सेयरधनीले लाभांश पाउनेछन् ।

यस्तै स्वरोजगार लघुवित्त वित्तीय संस्थाले लाभांश पारित गर्न फागुन २६ गते शनिबार साधारण सभा बोलाएको छ । कम्पनीले गत आवको नाफाबाट सेयरधनीलाई चुक्ता पुँजीको ७.०३६ प्रतिशत लाभांश दिने प्रस्ताव गरेको छ । सभा प्रयोजनका लागि कम्पनीले फागुन १३ गते बुकक्लोज गर्दैछ । बुकक्लोज अनुसार फागुन १० गते बिहीबारसम्म नेप्सेमा सेयर कारोबार भई कायम रहेका सेयरधनीले लाभांश पाउनेछन् ।

एघार कम्पनीको लाभांश बिना सभा आह्वान

गत आर्थिक वर्षको साधारण सभा सम्पन्न गर्न बाँकी रहेका ११ कम्पनीले लाभांश बिना साधारण सभा बोलाएका छन् । आईजीआई प्रुडेन्सियल इन्स्योरेन्स, कालिका लघुवित्त, स्वाभिमान लघुवित्त, नेरुडे लघुवित्त, सबैको लघुवित्त, निधन उत्थान लघुवित्त, मिर्मिरे लघुवित्त, मल्टीपर्पस फाइनान्स, साधना लघुवित्त, महिला लघुवित्त र विन नेपाल लघुवित्त रहेका छन् ।

आईजीआई प्रुडेन्सियल इन्स्योरेन्सले पनि फागुन २० गते आइतबार साधारण सभा बोलाएको छ । कम्पनीले गत आर्थिक वर्षबाट सेयरधनीका लागि कुनै पनि लाभांश प्रस्ताव गरेको छैन । कालिका लघुवित्त वित्तीय संस्थाले पनि फागुन २४ गते बिहीबारका लागि सभा बोलाएको छ । यो कम्पनीले सेयरधनीलाई दिएको छैन । लाभांश नदिएको स्वाभिमान लघुवित्त वित्तीय संस्थाले पनि फागुन ११ गते शुक्रबारका लागि सभा बोलाएको छ । नेरुडे लघुवित्त वित्तीय संस्थाले फागुन ११ गते शुक्रबार वार्षिक साधारण सभा बोलाएको छ । सबैको लघुवित्त वित्तीय संस्थाले फागुन १९ गते शनिबार सभा बोलाएको छ । कम्पनीले कुनै पनि लाभांश प्रस्ताव गरेको छैन । निधन उत्थान लघुवित्त वित्तीय संस्थाले फागुन ११ गते शुक्रबार साधारण सभा बोलाएको छ । यस लघुवित्त कम्पनीले पनि सेयरधनीको हात खाली बनाएको छ । मिर्मिरे लघुवित्त वित्तीय संस्थाले पनि सेयरधनी निराश बनाएको छ । मिर्मिरे लघुवित्त वित्तीय संस्थाले फागुन १४ गते सोमबारका लागि साधारण सभा बोलाएको छ ।

सेयरधनीको हात खाली बनाएको मल्टीपर्पस फाइनान्स कम्पनीले फागुन १८ गते शुक्रबार वार्षिक साधारण सभा बोलाएको छ । साधना लघुवित्त वित्तीय संस्थाले फागुन १९ गते शनिबार साधारण सभा आह्वान गरेको छ । महिला लघुवित्त वित्तीय संस्थाले फागुन २७ गते आइतबार साधारण सभा बोलाएको छ । विन नेपाल लघुवत्तिले पनि फागुन २९ गते मंगलबार साधारण सभा बोलाएको छ । यी कुनैपनि कम्पनीले सेयरधनीलाई लाभांश दिएनन् भने सभाबाट वार्षिक प्रतिवेदन पारित गर्ने, चालु आवको लागि लेखापरीक्षक नियुक्त र पारिश्रमिक निर्धारण गर्ने लगायतका प्रस्तावहरु पारित गर्नेछन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।