पाँच कम्पनीका सेयर लगानीकर्ता आइतबार मालामाल

साताको पहिलो कारोबारको दिन आइतबार सेयर बजार ऋणात्मक रहेपनि पाँच कम्पनीका सेयर लगानीकर्ता आइतबार मालामाल भएका छन् ।
नेप्से ५.३७ अकंले घटेर २०६२.९४ बिन्दुमा बन्द भएको छ । तर फाइनान्स सूचक भने आइतबार नेपाल स्टक एक्सेचञ्जमा ५.४९ प्रतिशतले बढेको हो ।यसस्ँगै फाइनान्स सूचक २४६९.३० बिन्दुमा पुगेको छ ।

आइतबारको बजारमा पाँच कम्पनीको सेयर मूल्यमा सकारात्मक सर्किट लागेको हो । रिलायन्स फाइनान्स, गणपति लघुवित्त, साधना लघुवित्त, मैलुङखोला जलविद्युत र नेपाल फाइनान्सको सेयर मूल्य १० प्रतिशतले बढेको छ । यससँगै रिलायन्स फाइनान्स कम्पनीको प्रतिकित्ता सेयर मूल्य ४४५.५० रुपैयाँ, गणपति लघुवित्तको १४४६.५० रुपैयाँ, साधना लघुवित्तको १३६०.७० रुपैयाँ, मैलुङखोला जलविद्युत कम्पनीको ५९४ रुपैयाँ र नेपाल फाइनान्सको सेयर मूल्य ८३६.४० रुपैयाँ पुगेको छ ।

यस्तै आइतबार बुद्धभुमि नेपाल हाइड्रोपावर, मन्दाकिनी हाइड्रोपावर, पोखरा फाइनान्स, श्रीइनभेष्टमेन्ट एण्ड फाइनान्स र समृद्धि फाइनान्सका लगानीकर्ताले कमाएका छन् । आज यी कम्पनीका लगानीकर्ताले ८.१७ देखि ६.७९ प्रतिशतसम्म बढेको छ ।

आज सबैभन्दा धेरै ग्लोबल आइएमई लघुवित्त वित्तीय संस्थाका लगानीकर्ताले गुमाएका छन् । यस कम्पनीको सेयर मूल्य आज ६.५८ प्रतिशतका दरले घटेर १४२० रुपैयाँमा झरेको छ । यसैगरी सनराइज ब्लुचिप फन्डको इकाई मूल्य ५.२४ प्रतिशत, कालिका लघुवित्तको ५.१८, उपकार लघुवित्तको ५.११ र बाराही हाइड्रोपावरका लगानीकर्ताले ५.४२ प्रतिशतका दरले गुमाएका छन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।