एकैदिन १६ सय रुपैयाँले बढ्यो सुनको भाउ

काठमाडौँ । साताको पहिलो कारोबार दिन आइतबार सुनको मूल्य १६ सय रुपैयाँले बढेको छ । शुक्रबार ८०० रुपैयाँले बढेको सुनको भाउ आइतबार १६ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आइतबार छापावाला सुन एक लाख ५५ हजार ७०० रुपैयाँमा कारोबार भइरहेको छ । शुक्रबार छापावाला सुन एक लाख ५४ हजार १०० रुपैयाँमा कारोबार भएको थियो ।

यस्तै आइतबार चाँदी १ हजार ८६० रुपैयाँमा कारोबार भइरहेको छ । शुक्रबार चाँदी १ हजार ८४५ रुपैयाँमा कारोबार भएको थियो ।

नेपालमा अन्तर्राष्ट्रिय बजारको आधारमा सुनचाँदीको मूल्य निर्धारण गर्ने गरिएको छ । आइतबार अन्तर्राष्ट्रिय बजारमा सुन प्रतिऔंस २ हजार ६८९.३४ अमेरिकी डलर र चाँदी प्रतिऔंस ३०.४१ डलरमा कारोबार भइरहेको छ ।