इनड्राइभ नेपालमा पहिलो, विश्वव्यापी रूपमा दोस्रो सबैभन्दा धेरै डाउनलोड गरिएको राइड-हेलिङ एप

काठमाडौं । ट्राभल र नेभिगेसन क्याटोगरीमा नेपालमा नम्बर १ स्थानमा रहेको इनड्राइभ विश्वव्यापी रुपमा राइड– हेलिङ एपहरुको सूचीमा दोस्रो सबैभन्दा धेरै डाउनलोड गरिएको एप भएको छ ।

हाल ४८ देशहरुमा राइड सेयरिङ सेवा प्रदान गर्दै आएको इनड्राइभले लगातार तेस्रो वर्षपनि शीर्ष स्थानमा रहेको सेन्सर टावर फर्मले जानकारी दिएको हो ।

यस्तै ट्राभल र नेभिगेसन श्रेणीमा विश्वव्यापीरूपमा इनड्राइभ सबैभन्दा धेरै डाउनलोड गरिएका एपको पाँचौ स्थानमा रहेको छ । इनड्राइभ एप २०२४ को डिसेम्बर महिनामा मात्रै ६१ लाख भन्दा बढी पटक डाउनलोड गरिएको थियो । पियर–टु–पियर मूल्य निर्धारण मोडेलको साथ, इनड्राइभले विश्वका ८८८ शहरहरूमा उत्कृष्ट सवारीहरुको लागि उचित मूल्य प्रदान गर्दै आएको छ साथै चालकहरूको लागि उचित कमाईका अवसरहरू प्रदान गरेको छ ।

विश्वभर दोस्रो सबैभन्दा धेरै डाउनलोड गरिएको राइड–हेलिङ एपको रूपमा आफ्नो स्थान कायम राख्नु इनड्राइभको लागि एक अविश्वसनीय उपलब्धि रहेको इनड्राइभका फाउन्डर तथा सीईओ आर्सेन टम्स्कीले बताए ।

गत वर्ष, इनड्राइभले चालकहरूलाई मद्दत गर्नका लागि ऋण दिने कार्यलाई अझ बढी पहुँचयोग्य बनाउन मेक्सिको र कोलम्बियामा आफ्नो वित्तीय सेवा “इनड्राइभ मनी” को परीक्षण सुरु गरेको थियो ।

इनड्राइभ मनी सन् २०३० सम्ममा कम्तिमा १ अर्ब मानिसहरूको जीवन सुधार गर्ने इनड्राइभको व्यापक मिशनसँग मेल खान्छ, र यो सेवालाई यस वर्षको अन्त्यमा थप बजारहरूमा विस्तार गर्ने तयारी कम्पनीले गरेको छ । इनड्राइभले उचित मूल्यमा मोबिलिटी सर्भिसेज सहज बनाउन र सेवाबाट वञ्चित समुदायहरूमा कार्यरतहरूको लागि अर्थपूर्ण कमाईका अवसरहरू सिर्जना गर्न प्रयास गरिरहेको आर्सेन टम्स्कीले बताए ।

इनड्राइभ सन् २०२४ मा यात्रा श्रेणीमा नेपाल, इजिप्ट, मोरक्को, पनामा र जमैका सहित ११ बजारहरूमा डाउनलोड संख्याको आधारमा अग्रणी राइड–हेलिङ एप भएको थियो । राइड–हेलिङ र वित्तीय सेवाहरूको अतिरिक्त, इनड्राइभले सिटी टू सिटी, फ्रेट, कुरियर, र डेलिभरी सेवाहरु प्रदान गर्दछ ।