सान्भि इनर्जी लिमिटेडलाई आईपिओ निष्काशन गर्न धितोपत्र बोर्डको अनुमति

नेपाल धितोपत्र बोर्डले सान्भि इनर्जी लिमिटेडलाई सर्वसाधारणमा सेयर जारी गर्न अनुमति दिएको छ । बोर्ड सञ्चालक समितिको बैठकले कम्पनीलाई सर्वसाधारणमा प्राथमिक सेयर निष्काशन गर्नका लागि अनुमति दिएको हो ।

बोर्डले कम्पनीलाई प्रतिकित्ता १०० रुपैयाँ अंकित मूल्यको दरमा सर्वसाधारणलाई ३७ लाख ९० हजार कित्ता सेयर निष्काशनको अनुमति दिएको हो । कम्पनीले जारी पुँजी ८८ करोड रुपैयाँको ४३.०७ प्रतिशतले हुने ३७ करोड ९० लाख रुपैयाँ बराबरको सेयर निष्काशनको अनुमति पाएको हो ।

कम्पनीले पहिलो चरणमा वैदेशिक रोजगारीमा गएका श्रमिक, आयोजना प्रभावितहरुलाई सेयर निष्काशन गरेर अन्तिममा सर्वसाधारणमा सेयर बिक्री गर्नेछ ।

कम्पनीको सेयर निष्काशन तथा बिक्री प्रबन्धकमा नेपाल एसबिआई मर्चेण्ट बैंकिङ लिमिटेड रहेको छ ।