सेयर बजारमा हरियाली, बिहीबार ४१.४३ अंकले बढ्यो

काठमाडौं । कारोबारको अन्तिम दिन सेयर बजार परिसुचक नेप्से ४१.४३ अंकले बढेर दुई हजार ६ सय ६३.३० बिन्दुमा पुगेको छ ।

कारोबारमा आएका कुल ३०९ कम्पनी मध्ये २२७ कम्पनीहरुको सेयर मूल्य बढेको छ भने १६ कम्पनीको सेयर घटेको हो । आज सर्वाधिक गुराँस लघुवित्तीय सस्थाको सेयर १० प्रतिशतले बढेको हो । यस्तै सिर्जनसील लघुवित्तको सेयर ९.९६ प्रतिशत, सर्पोट माइक्रो फाइनाइन्सको ८.५३ प्रतिशत, अभियान लघुवित्तको ७.६६ प्रतिशत र मानुसी लघुवित्तको सेयर ७.२८ प्रतिशतले बढेको हो ।

यस्तै कुमारी सबल योजनाको १.८२ प्रतिशत, नौ प्रतिशत आइसीएफसी डिभेन्चर २०८८ को सेयरमूल्य १.६१ प्रतिशतले घटेको हो ।

कारोबारमा आएका कुल ३०९ कम्पनीको ९७ लाख ७२ हजार १९६ कित्ता सेयर ५ अर्ब २२ करोड ३० लाख ८३ हजार ३४० रुपैयाँमा खरिदबिक्री भएको छ ।

कारोबारका आधारमा आज सर्वाधिक हिमालयन रिइन्स्योरेन्सको ५१ करोड १८ लाख १७ हजार ७१४ रुपैयाँ बराबरको सेयर खरिद बिक्री भएको छ । यस्तै कारोबार सङ्ख्याका आधारमा पनि हिमालयन रिइन्स्योरेन्सकै पाँच लाख आठ हजार ८६० कित्ता सेयर खरिदबिक्री भएको छ ।

आज समग्रमा सबै उपसूचकमा हरियाली छाएको छ । व्यापार समूह सर्वाधिक ६.०९ प्रतिशतले बढेको छ भने लघुवित्त समूह २.२२ प्रतिशत, लगानी समूह २.२० प्रतिशतले बढेको हो । यस्तै अन्य समूह १.७४ प्रतिशत, जीवन बीमा समूह १.७१ प्रतिशत, वित्त समूह १.३० प्रतिशत, जलविद्युत १.०९ प्रतिशत, विकास बैंक समूह १.१० प्रतिशत, उत्पादन तथा प्रशोधन समूह ०.९२ प्रतिशत, बैंकिङ्ग समूह ०.९० प्रतिशत, र्निजीवन बीमा ०.८५ प्रतिशत र म्युचुअल फन्ड ०.३७ प्रतिशतले बढेको छ ।