वित्तीय विवरण प्रकाशनमा पहिलो बनेको फर्स्ट माइक्रोले देखायो आशलाग्दो प्रगति

गत आर्थिक वर्षको चौथो त्रैमासिक वित्तीय विवरण प्रकाशित गर्न पहिलो बनेको फर्स्ट माइक्रोफाइनान्स लघुवित्त वित्तीय संस्थाले आशलाग्दो प्रगति विवरण सार्वजनिक गरेको छ । लघुवित्तका अधिकांश सूचकहरुमा सुधार आउँदा खुद नाफा ३१ प्रतिशतले बढेको छ ।

विहीबार कम्पनीले प्रकाशित गरेको वित्तीय विवरण अनुसार लघुवित्तले गत आर्थिक बर्षमा १३ करोड ३२ लाख खुद नाफा गरेको छ । जुन अघिल्लो आर्थिक वर्षको भन्दा ३१ प्रतिशत बढी हो । अघिल्लो वर्ष कम्पनीले १० करोड १४ लाख कमाएको थियो ।

समिक्षा अवधिमा लघुवित्तको चुक्ता पूँजी ६८ करो४३ लाखमा स्थिर छ । कम्पनीको कमाई बढ्दा प्रतिशेयर आम्दानी समेत ३१.३१ प्रतिशतले बढेको छ । कम्पनीको प्रतिशेयर आम्दानी १९ रुपैयाँ ४६ पैसा कायम छ ।

थोक लघुवित्त कर्जा प्रवाह गर्ने यस कम्पनीले यस अवधिमा ५ अर्ब १४ करोड सापटी लिएर ५ अर्ब ५० करोड रुपैयाँ कर्जा परिचालन गरेको छ ।

जसबाट कम्पनीको खुद ब्याज आम्दानी २१ करोड २३ लाख खुद ब्याज आम्दानी गरेको छ । कम्पनीको संचालन मुनाफा २१ करोड बढी छ ।
माइक्रोफाइनान्सको वित्तीय विवरण अनुसार प्रति शेयर नेटवर्थ १३३ रुपैयाँ ८१ पैसा र मूल्य आम्दानी अनुपात १९.२७ गुणा रहेको छ ।