गुराँस लाइफको ९० हजार कित्ता लिलामी शेयरमा आवेदन गर्ने आज अन्तिम

गुराँस लाइफ इन्स्योरेन्सले लिलामीमा राखेकोे संस्थापक समूह तर्फको ९० हजार ५७१ कित्ता शेयरमा बोलपत्र पेश गर्ने आज अन्तिम दिन हो । कम्पनीले साउन ३ गतेदेखि लिलामी शेयरमा आवेदन खुला गरेको थियो ।

गुराँस लाइफले यसअघि पनि शेयर लिलामी गर्दा नबिकेको शेयर पुन: लिलामीमा निकालेको हो । गत असार ५ देखि २२ गतेसम्म सर्वसाधारणतर्फ ८२ हजार ५ कित्ता र संस्थापकतर्फ २ लाख ४० हजार ५७१ कित्ता शेयर लिलामीमा ल्याएको थियो । त्यसबेला संस्थापक समूहको सबै शेयर बिक्री हुन सकेको थिएन ।

गुराँसको संस्थापक शेयरमा सर्वसाधारण तथा संघसंस्थाहरुले पनि आवेदन दिन सक्नेछन् । न्यूनतम १०० रुपैयाँलाई आधार मानेर बोलपत्र पेश गर्नपर्नेछ । न्यूनतम १ हजारदेखि अधिकतम सबै कित्ताका लागि बोलपत्र पेश गर्न सकिनेछ । जसको बिक्री प्रबन्धकको काम लक्ष्मी क्यापिटल मार्केटले गरेको छ ।