एनआईसी एशिया बैंकले लाभांश पारित गर्न बोलायो साधारण सभा

एनआईसी एशिया बैंकले गत अर्थिक वर्षको लाभांश वितरण पारित गर्न असोज १० गते शुक्रबार २२ औं वार्षिक साधारण सभा आह्वान गरेको छ।

बैंकले गत आर्थिक वर्षको मुनाफाबाट शेयरधनीलाई १० प्रतिशत बोनस र बोनसमा लाग्ने कर सहित ११.०५२६ प्रतिशत नगद लाभांश गरी कूल २१.०५ प्रतिशत लाभांश वितरण गर्ने प्रस्ताव गरेको छ ।

हाल ८ अर्ब ८३ करोड ४२ लाख चुक्ता पूँजी रहेको बैंकको बोनस पश्चात चुक्ता पूँजी ९ अर्ब ७१ करोड रुपैयाँ पुग्नेछ।

साधारणसभा प्रयोजनको लागि बैंकले भदौ २९ गतेदेखि शेयरधनी दाखिला खारेज (बुकक्लोज) गर्ने भएकाले भदौ २८ गतेसम्म बैंकको शेयर खरिद गरी शेयरधनी कायम भएकाहरुले मात्र लाभांश पाउनेछन्।