मिर्मिरे लघुवित्तको खुद नाफामा उल्लेखीय सुधार, जगेडा कोष झनै बलियो

मिर्मिरे लघुवित्तले चालु आर्थिक वर्षको पहिलो त्रैमासमो गत आर्थिक वर्षको यसै अवधिको तुलनामा खुद नाफा २६७.३३ प्रतिशतले बढाएको विवरण सार्वजनिक गरेको छ ।

कम्पनीले चालु आर्थिक वर्षको पहिलो त्रैमासमा २ करोड १३ लाख रुपैयाँ खुद नाफा कमाएको छ जुन गत वर्षको तुलनामा १ करोड ५५ लाख रुपैयाँले धेरै हो। गत आर्थिक वर्षको यसै अवधिमा लघुवित्तले ५८ लाख १९ हजार रुपैयाँ खुद नाफा कमाएको थियो ।

लघुवित्तको खुद ब्याज आम्दानी र सञ्चालन नाफामा सुधार हुँदा खुद नाफा उल्लेखीय रुपमा बढेको हो। गत वर्ष २ करोड १७ लाख रुपैयाँ खुद ब्याज आम्दानी गरेको लघुवित्तले चालु आर्थिक वर्षको सोही अवधिमा ५ करोड १० लाख रुपैयाँ खुद ब्याज आम्दानी गरेको छ।

लघुवित्तले ८३ करोड ८९ लाख रुपैयाँ निक्षेप संकलन गरी १ अर्ब ६३ करोड रुपैयाँ सापटीमार्फत २ अर्ब ४५ करोड ऋण प्रवाह गरेको छ ।

लघुवित्तको चुक्ता पूँजी १० करोड ३८ लाख रुपैयाँबाट १२ करोड ८७ लाख रुपैयाँ पुगेको छ भने जगेडा कोषमा ११ करोड ६३ लाख रुपैयाँ राखेको छ । जसको प्रतिशेयर आम्दानी ६६ रुपैयाँ ३७ पैसा तथा प्रतिशेयर नेटवर्थ १९० रुपैयाँ ३१ पैसा छ।