ग्लोबल आइएमई लघुवित्तको लाभांश सुरक्षित गर्ने आज अन्तिम दिन

ग्लोबल आइएमई लघुवित्त वित्तीय संस्था लिमिटेडले प्रस्ताव गरेको ३५ प्रतिशत बोनस शेयर सुरक्षित गर्ने आज (कार्तिक २४ गते) अन्तिम दिन हो।

कम्पनीले प्रस्तावित लाभांश अनुमोदनको लागि मंसिर ७ गते ७ औँ वार्षिक साधारण सभा बोलाएको छ । साधारण सभा प्रयोजनको लागि कार्तिक २५ गते बुक क्लोज हुने भएकाले कार्तिक २४ गतेसम्म कायम शेयरधनीले साधारणसभामा भाग लिन र प्रस्तावित लाभांश पाउनेछन् ।

साधारण सभाले अनुमोदन गरेपश्चात कम्पनीले ३ करोड ८६ लाख ६० हजार १२५ रुपैयाँ बराबरको बोनस शेयर र २० लाख ३४ हजार ७४३ रुपैयाँ नगद (कर तिर्न) वितरण गर्नेछ ।

कम्पनीले गत आवको मुनाफाबाट ३५ प्रतिशत बोनस शेयर र करको लागि १.८४ प्रतिशत नगद लाभांश प्रस्ताव पेश गर्नेछ । हाल यस लघुवित्तको चुक्ता पूँजी १८ करोड ७८ लाख ६३ हजार रुपैयाँ छ । लघुवित्तले यसअघि बिक्री गरेको हकप्रदालाई समेत लाभांश दिने हुँदा शेयरधनीले १७.५ प्रतिशत बोनस पाउँनेछन् ।

त्यस्तै एक बराबर अनुपात हकप्रद शेयर जारि गर्ने प्रस्ताव पनि साधारण सभामा पेश गर्नेछ ।