दश प्रतिशतले बढ्दा पाँचथर पावरको शेयर मूल्य आईपीको भाउमा

चालु आर्थिक बर्षको पहिलो त्रैमासमा उच्च नाफा बढेको विवरण सार्वजनिक गरेको पाँचथर पावरको शेयर मूल्य दश प्रतिशतले उकालो लाग्दा बल्ल आईपीओको भाउमा पुगेको छ ।

कम्पनीले चालु आर्थिक बर्षको पहिलो त्रैमासमा ७ करोड ४६ लाख नाफा कमाएको विवरण सार्वजनिक गरको छ । जबकि कम्पनी गत असारमसान्तमा १२ करोड नोक्सानमा रहेको थियो ।

कम्पनीको नाफा उच्चदरले बढेको विवरण सार्वजनिक भएपछि बिहीबारको शेयर बजारमा पोजेटिभ सर्किट लागेको छ ।

कम्पनीको शेयरमूल्य ९.६८ प्रतिशतले बढेको प्रतिकित्ता १०२ रुपैयाँ पुगेको छ । बजार खुल्दा कम्पनीको शेयरमूल्य प्रतिकित्ता ९३ रुपैयाँ थियो । मार्केट डेप्थमा कम्पनीको शेयर खरिद गर्नेहरुको लामलाग्दा शेयर बेच्नहरु भने देखिदैनन् ।

यस्तै पछिल्लो समय लगातार बढीरहेको साल्ट ट्रेडिङ कर्पोरेशनको शेयरमुल्य पनि बिहीबार दश प्रतिशतले बढेको छ । विहीबार कम्पनीको शेयरमूल्य ८५ रुपैयाँले बढेर प्रतिकित्ता ९४३ रुपैयाँ पुगेको छ । यो कम्पनीको पनि ५५ हजार बढी कित्ता शेयर खरिदको माग गर्दा बिक्री गर्ने देखिदैनन् ।

विहीबारको बजार भने सकारात्मक नै देखिएको छ । बजार उकालो नलागेपनि अघिल्लो दिनको विन्दु भन्दा तल झरेको छैन् ।