४० पटक नेपाल आएका जापानका इसोइका नेपाल भ्रमण वर्षको दूत नियुक्त

नेपाल भ्रमण वर्ष २०२० मा जापानका लागीे नेपालमा विभिन्न सामाजिक क्षेत्रमा काम गर्दै आएका गिनिज बुक अफ दी वल्र्ड रेकर्डमा नाम लेखाइसकेका हिरोमी इसोइकालाई सद्भावना दूत नियूक्त गरेको छ ।

काठमाडौंमा एक कार्यक्रमको आयोजनागरी भ्रमण वर्षका संयोजक सुरज वैद्यले सद्भावना दूतको प्रमाण–पत्र हस्तान्तरण गरेका छन् ।

सन् २००१ जनवरी १ तारिककै दिन विश्वकै सवैभन्दा ठूलो ड्रम बनाएर गिनिज बुक अफ दी वल्र्ड रेकर्ड बनाउन सफल इसोइकाले सन् २००३ देखि नेपालमा विभिन्न सामाजिक क्षेत्रमा काम गर्दै आएका छन् ।

पेशाले निर्माण व्यावसायी इसोइकाले २७ वर्षमा ४० पटक नेपाल आइसकेका छन् ।पशुपतिनाथ क्षेत्रमा वायो शौचालय बनाएर विश्वभरीनै चर्चामा आएका उनी केही वर्ष अघि छोरी र श्रीमतिकासाथ नेपाल आउदा महिलाहरुलाई शौचालय गर्न कठिनाइ भएको देखेपछि उक्त काम गरेको भन्दै निकट भविश्यमा नेपालका विभिन्न भागमा सौचालय निर्माण गर्ने जनाए ।

नेपाल–जापान सम्बन्धको ५० वर्षगाठ पुगेको अवसरमा काठमाडौं, टुडीखेलमा जापानमा झै विश्वकै ठूलो ड्रम बनाएर प्रदर्शनी गरेका इसोइका नेपाल–जापान मैन्त्री समाजका जापान पक्षको अध्यक्ष समेत छन् । ‘नेपाल आउँदा आफ्नो पुराना घर आएको महसुस हुने इसोइका नेपालले घोषणा गरेको भ्रमण वर्ष सफल पार्न लाग्ने वताए । नेपालमा पर्यटनको संभावना धेरै छ । हिमाल बाहेकका अन्य क्षेत्रमा पनि पर्यटनलाई आकर्षण गर्न सक्नुपर्ने कार्यक्रममा उनको सुझाव थियो ।

नेपाल पर्यटन वर्षका संयोजक सुरज वैद्यले नेपाल पर्यटन वर्ष मनाउनुका कारणहरु स्पष्ट पार्दै जापानका युवा वर्गलाई नेपाल भ्रमणमा आकर्षण गर्नमा इसोइकाको ठूलो भूमिका हुने धारणा राखेका थिए ।