कृषि विकास बैंकले भन्यो, ‘३४ करोड घोटालामा ग्राहकको निक्षेप सुरक्षित’

कृषि विकास बैंकले स्वयम्भु शाखामा तत्कालिन कार्यरत कर्मचारी केदार गौतमबाट बैंकको आन्तरीक रेमिट खाताको दुरुपयोग गरी करिब ३४ करोड रकम हिनामिना गरेको देखिएपनि सर्वसाधारण निक्षेपमा भने सुरक्षित रहेको जनाएको छ ।

केदार गौतम लगायत अनियमिति कार्यमा संलग्न अन्य व्यक्तिलाई बैकिङ्ग कसुर अन्र्तगत अदालतमा मुद्दा चलिरहेको छ । अनियमिततामा संलग्न व्यक्तिहरु कैद भोगिरहेका छन । उक्त हिनामिना भएको रकममा बैंकका कुनै पनि निक्षेप ग्राहकहरुबाट राखीएको निक्षेपको दुरुपयोग तथा हिनामिना नभएको तथा निक्षेप ग्राहकहरुको निक्षेप पूर्ण सुरक्षीत बैंकले जनाएको छ ।

हालसालै अख्तियार दुरुपयोग अनुसन्धान आयोगबाट छानविन भै तत्कालिन बैकमा कार्यरत कर्मचारी केदार गौतम लगायत अनियमिततामा संलग्न विरुद्ध भ्रष्टाचार मुद्धा समेत दायर भएको छ ।