सोल्टी होटलको प्रस्तावित लाभांश सुरक्षित गर्ने आज अन्तिम दिन

सोल्टी होटलले गत आर्थिक बर्षको मुनाफाबाट वितरण गर्न प्रस्ताव गरेको लाभांश सुरक्षित गर्ने आज अन्तिम दिन हो। होटलले साधारण सभा प्रयोजनार्थ भोलिदेखि बुक क्लोज गर्दैछन् ।

सोल्टी होटलले गत आर्थिक वर्षको कमाईबाट लगानीकर्तालाई हाल कायम चुक्ता पूँजीको २६.३१५ प्रतिशत लाभांश वितरण गर्ने प्रस्ताव गरेको छ ।होटलले १५ प्रतिशत बोनस शेयर र ११.३१५ प्रतिशत नगद लाभांश वितरण गर्ने प्रस्ताव गरेको हो ।

उक्त लाभांश पारित गर्न होटलले आगामी पुस २४ गते नेपाल प्रज्ञा प्रतिष्ठानमा साधारण सभा बोलाएको छ र मंसिर २५ गतेदेखि शेयरधनी दर्ता पुस्तिका बन्द हुनेछ । जस अनुसार होटलको प्रस्तावित लाभांश पाउन आजै शेयरधनी कायम हुनुपर्नेछ ।

हाल होटलको चुक्ता पूँजी ७३ करोड २६ लाख ७५ हजार रहेको छ। १५ प्रतिशत बोनस शेयर वितरण पश्चात होटलको चुक्ता पूँजी ८४ करोड २५ लाख ७६ हजार पुग्नेछ।