बालुवाटार जग्गा प्रकरणमा तीन पूर्व मन्त्रीसहित १७५ जना विरुद्ध मुद्धा दायर

अख्तियार दुरुपयोग अनुसन्धान आयोगले बालुवाटार स्थित ललिता निवास क्याम्पभित्रका सरकारी, सार्वजनिक जग्गा हिनामिना प्रकरणमा तीन पूर्व मन्त्रीसहित १७५ जना विरुद्ध मुद्धा दायर गरेको छ ।

आयोगले तत्कालीन उप-प्रधानमन्त्री विजय कुमार गच्छदार सहित तीन मन्त्री, ६ विशिष्ट श्रेणीका पदाधिकारी, कर्मचारीहरू र अन्य व्यक्तिहरू समेत गरी १७५ जना उपर आरोपपत्र दायर गरेको हो।

प्रहरीको केन्द्रीय अनुसन्धान ब्यूरो (सीआईबी) ले ललिता निवासको २ सय ९९ रोपनीमध्ये १ सय १४ रोपनी जग्गा हिनामिनामा मुद्दा चलाउन सिफारिस गरेको थियो ।

अख्तियारका अनुसार पूर्वमन्त्री विजयकुमार गच्छदार, तत्कालीन भूमिसुधारमन्त्री डम्बर श्रेष्ठ र अर्का पूर्वमन्त्री चन्द्रदेव जोशी, पूर्वनिर्वाचन आयुक्त सुधीर शाह र उनकी पत्नी उर्मिला, पूर्वसहसचिव गेहनाथ भण्डारी, उनकी पत्नी भुवनकुमारी चापागाईँविरुद्ध मुद्दा दायर भएको हो ।

विस्तृत विवरणको लागि  क्लिक गर्नुहोस ।