गुणस्तर विभागद्धारा तीन स्टील उद्योगको ब्राण्ड इजाजत खारेज

नेपाल गुणस्तर तथा नाप तौल विभागले तोकिएको मापदण्ड बमोजिम वस्तु उत्पादन नगरेको भन्दै तीन स्टील उद्योगको ब्राण्ड इजाजत खारेज गरेको छ।

विभागले गोदावरी स्टील प्रा.ली रौतहट, गोयन्का स्टील रुपन्देही र अशोक स्टील बाराको केही ब्राण्डका उत्पादनको इजाजत खारेज गरेको हो।

विभागले गोदावरी स्टीलकोे टिएमटि बार ८ एमएम र गोयन्का स्टीलको टिएमटि ८ एमएम साइजको इजाजत खारेज गरेको जनाएको छ । यस्तै अशोक स्टीलका टिएमटि १२ एमएम साईजको सम्पूर्ण उत्पादन बजारबाट फिर्ता गर्न निर्देशन दिदै स्पष्टिकरण माग गरेको छ ।