काठमाडौंमा कोरोना भाइरसको बिरामी भेटिएको पुष्टि

नेपालमा कोराना भाइरस (कोभिड १९) को बिरामी भेटिएको पुष्टि भएको छ।

स्वास्थ्य मन्त्रालयले फ्रान्सबाट नेपाल फर्केकी १९ बर्षिय एक युवतीमा कोरोना पोजेटिभ भेटिएको पुष्टि गरेको हो।

मन्त्रालयले सोमबार आयोजना गरेको पत्रकार सम्मेलनमा चैत ४ गते फ्रान्सबाट कतार हुदै नेपाल आएकी एक युवतीमा कोरोना पोजेटिभ भेटीएको जनाएको छ ।

हाल उनको टेकु अस्पतालमा उपचार भइरहेको मन्त्रालयले जनाएको छ । स्वास्थ्य मन्त्री भानुभक्त ढकालले फ्रान्सबाट फर्केका नागरिकसँग भेटिएका अन्य व्यक्तिलाई क्वारेन्टाइनमा राखिएको जानकारी दिए ।