मंगलबार पोजेटिभ देखिएको सप्तरीका दुबै जनाको पिसीआर रिपोर्ट नेगेटिभ

भारत दिल्लीको निजामुद्दीनस्थित तबलिकी जमातमा सहभागी भएर फर्केर मंगलबार राजविराजस्थित गजेन्द्रनारायण सिंह अस्पतार्ल र्‍यापिड टेष्ट गर्दा कोरोना पोजेटिभ देखाएकोमा बुधबार पीसीआर मेसिनबाट गरिएको परीक्षणमा नेगेटिभ नतिजा आएको छ।

धरानस्थित बिपी कोइराला स्वास्थ विज्ञान प्रतिष्ठानमा बुधबार गरिएको परीक्षणका क्रममा तिलाठी कोइलाडी गाउँपालिकाका एक जना र खडक नगरपालिकाका एक जनामा कोरोना संक्रमण नभएको पुष्टि भएको हो।

मंगलबार गजेन्द्रनारायण सिंह अस्पतालमा गरिएर्को र्‍यापिड डायग्नोस्टिक टेष्टमा ८ जनामध्ये २ जनामा रिपोर्ट पोजेटिभ आएको हो । सो पश्चात पिसिआरबाट थप परीक्षणका लागि मंगलबार नै उनीहरुको स्वाब प्रतिष्ठानमा पठाइएको थियो।