भारतमा ‘कोविड–१९’ संक्रमितको संख्या २३ हजार नाघ्यो, ७२१ को मृत्यु

भारतमा पछिल्लो समय थपिएका ३८ नयाँ कोरोना भाइरसका नयाँ संक्रमित थपिएसँगै शुक्रबार भारतका विभिन्न स्थानहरुम गरि कूल २३ हजार ७७ जनामा कोभिड १९ को संक्रमण भएको जनाइएको छ ।

शुक्रबार बिहानको तथ्यांकअनुसार भारतमा ‘कोविड १९’ का संक्रमित भई उपचाररत रहेकाहरूको संख्या १७ हजार ३४४ जना रहेको यहाँँको स्वास्थ्य तथा परिवार कल्याण मन्त्रालयले जनाएको छ ।

उक्त मन्त्रालयका अनुसार भारतभर हालसम्म मृत्यु हुनेको संख्या ७२१ जना रहेको छ । भारतमा देखिएका यी संक्रमितहरूमध्ये ५ हजार १२ जना भने उपचारपछि निको भएर फर्किएका छन् ।

शुरुदेखि नै भारतको महाराष्ट्र कोरोना भाइरसबाट अत्यन्त प्रभावित राज्यको रूपमा रहेको यहाँँको स्वास्थ्य तथा परिवार कल्याण मन्त्रालयले जनाएको छ । बिहीबार पनि यो क्रम जारी नै रहेको उक्त मन्त्रालयले जानकारी दिएको छ ।

महाराष्ट्र राज्यमा मात्र संक्रमितहरूको संख्या ६ हजार ४३० जना पुगेको उक्त मन्त्रालय बताएको छ । यसैबीच महाराष्ट्रमा २८३ जनाको निधन भएको छ भने ८४० जना उपचारपछि घर फर्किएका छन्।

महाराष्ट्रपछि दिल्ली र गुजरातमा यस भाइरसको संक्रमण उच्च मात्रमा देखिएको छ । कल्याण मन्त्रालयले आज दिएको जानकारीअनुसार दिल्लीमा २ हजार ३७६ र गुजरातमा २ हजार ४२४ मा कोरोना भाइरसको संक्रमण देखिएको छ ।

भारतमा यसरी दिन प्रतिदिन नयाँ नयाँ संक्रमितहरू थपिँदै जानु चुनौतीपूर्ण भएको यहाँका स्वास्थ्य अधिकारीहरूले जनाएका छन् । भारतको राजस्थानमा १ हजार ९६४ जना, तामिलनाडू मा १ हजार ६८३ जना, र मध्यप्रदेशमा १ हजार ६९९ जना कोरोना संक्रमित रहेका जनाइएको छ ।

भारतमा संक्रमण बढदै गएपछि सरकारले कोरोना भाइरस (कोविड–१९) को संक्रमण रोक्नको बन्दाबन्दीलाई आगामी मे महिनाको ३ तारिखसम्म लम्ब्याएको घोषणा गरेको छ ।

भारतीय प्रधानमन्त्री नरेन्द्र मोदीले गत महिना घोषणा गरेका २१ दिने लकडाउनको अवधि समाप्त हुँदै गरेको अवस्था पुनः १९ दिनको लकडाउनलाई जोडिएको घोषणा गरेका थिए।