लकडाउनका कारण रोकिएको शेयर कारोबारको राफसाफ प्रक्रिया बैशाख २९ गते सोमबारबाट हुने भएको छ।
सिडीएस एण्ड क्लियारिङले चैत११ गतेदेखि लकडाउन सुरु भएको कारण चैत १० गते अघि भएको शेयर कारोबारको बाँकी राफसाफ सोमबारदेखि सुरु गरिने जानकारी दिएको हो ।
सिडीएसका अनुसार चैत्र ९ गते आइतबार भएको कारोबारको राफसाफ गर्न बाँकि छ । त्यस दिन १९ करोड ४६ लाख बराबरको कारोबार भएको थियो ।
राफसाफ सोमबारदेखि सुरु भए पनि कार्यालय भने आइतबारदेखिनै खुल्ने छ । धितोपत्र बोर्डले आइतबार देखिनै कार्यालय खोल्न निर्देशन दिइसकेको छ ।
शेयर कारोबार भने बैशाख ३० गते मंगलबार देखि मात्र खुल्ने छ ।
प्रतिक्रिया