एडीबीको कोरोना नियन्त्रणका लागि २५ करोड डलर ऋण सहयोग

एशियाली विकास बैंकले (एडिबि) ले नेपालमा कोभिड—१९ सँग जुझ्न नेपाललाई २५ करोड अमेरिकी डलर सहुलियत ऋण सहयोग गर्ने भएको छ।

एडिबिले नेपालको स्वास्थ्य प्रणालीलाई मजबुत बनाउन र महामारीबाट देशको आर्थिक र सामाजिक अवस्थामा परेको प्रतिकुल प्रभाव कम गर्नका लागि उक्त ऋण सहायता प्रस्ताव पारित गरेको जनाएको हो ।

यो रकम नेपालको सामुदायिक स्वास्थ्य प्रणालीमा सुधार, गरिब र कमजोर मानिसहरुका लागि सामाजिक सुरक्षा कार्यक्रममा विस्तार गर्न र कोरोनाले नेपालको अर्थतन्त्रमा पारेको आर्थिक, सामाजिक प्रभाव न्यूनीकरणमा खर्च हुने जनाइएको छ। बैंक यस्तो अवस्थामा नेपाललाई सहयोग गर्न पूर्ण प्रतिबद्ध रहेको जनाएको छ ।