प्रतिनिधि सभाको बैठक सुरु (LIVE)

प्रतिनिधि सभाको छैठौं अधिवेशन अन्तर्गत २०७७ जेठ १४ गते बुधबारको बैठक सुरु भएको छ।

आजको बैठकमा “नेपाल विशेष सेवा विधेयक, २०७६” का सम्बन्धमा राष्ट्रिय सभाबाट प्राप्त सन्देश सहितको विधेयक टेबुल गरिने कार्यसूची छ।

यसैगरि कानुन, न्याय तथा मानव अधिकार समितिका सभापति कृष्णभक्त पोख्रेलले “कानुन, न्याय तथा मानव अधिकार समितिको वार्षिक प्रतिवेदन, २०७७” पेश गर्ने, शिक्षा तथा स्वास्थ्य समितिका सभापति श्री जयपुरी घर्तीले “मदन भण्डारी विज्ञान तथा प्रविधि विश्वविद्यालय विधेयक सम्बन्धी समितिको प्रतिवेदन, २०७६” पेश गर्ने कार्यसूची पनि बुधबारको बैठकमा तय गरिएको छ।

यस्तैआजकै बैठकमा शिक्षा, विज्ञान तथा प्रविधि मन्त्री गिरिराजमणि पोखरेलले “रेडियोधर्मी पदार्थको नियमन सम्बन्धी विधेयक, २०७६ माथि राष्ट्रिय सभाबाट भएको संशोधनमाथि विचार गरियोस्” भनी प्रस्ताव प्रस्तुत गर्ने कार्यसूची रहेको छ।