गणपति लघुवित्तको बोनस वितरण, कागजी शेयर अभौतिकिकरण गर्न आग्रह

गणपति लघुवित्त वित्तीय संस्था लिमिटेड (GMFBS) ले बोनस वितरण गरेको छ। लघुवित्तले गत आर्थिक वर्षको नाफाबाट प्रस्ताव गरि तेश्रो वार्षिक साधारण सभाले पारित गरेको ७ प्रतिशत बोनस शेयर वितरण गरेको हो।

लघुवित्तले गत मंसिर १७ गतेसम्म शेयर अभौतिकिकरण गराएका शेयरधनीहरुको हितग्राही खाता (डिम्याट) मा जम्मा गरिएको जनाएको छ । सो मितिपश्चात शेयर अभौतिकिकरण गर्नेहरुको भने क्रमश जम्ममा गर्दै जाने बताइएको छ।

लघुुवित्त संस्थाको गत पुस ४ गते सम्पन्न भएको साधारण सभाले ४२ हजार ४५० कित्ता बोनस शेयर वितरण गर्ने प्रस्ताव अनुमोदन गरेको थियो भने उक्त बोनस गते नेप्सेमा दोस्रो बजारमा कारोबार गर्न मिल्नेगरि गत चैत ४ गते सूचीकरण भएको थियो।

यस्तै लघुवित्तले हालसम्म आफ्नो शेयर अभौतिकिकरण नगरेका शेयरधनीहरुलाई शीघ्र आफुसँग भएको कागजी शेयर अभौतिकिकरण गर्न समेत भनेको छ।
लघुवित्तको शेयर रजिष्ट्रार एनआईबिएल एस क्यापिटल लिमिटेड रहेको छ ।