२८ आर्थिक वर्षको साधारण सभा एकैपटक गर्दै एक सरकारी कम्पनी, आईपिओ जारी गर्ने तयारीमा

सरकारी स्वामित्वमा रहेको जडीबुटी उत्पादन तथा प्रशोधन कम्पनी लिमिटेड (एचपीसीसीएल) ले २८ आर्थिक वर्षको साधारण सभा एक साथ आह्वान गरेको छ ।

कम्पनीले साउन १७ गते शनिबार कम्पनीको रजिष्टर्ड कार्यालय कोटेश्वरमा बिहान ११ बजे साधारण सभा राखेको छ । उक्त साधारण सभाले आर्थिक वर्ष ०४७/०४८ देखि आर्थिक वर्ष ०७५/०७६ सम्मको संचालक समितिको प्रतिवेदन माथि छलफल र पारित गर्नेछ ।

त्यस्तै २८ आर्थिक वर्षको वार्षिक प्रतिवेदन, लेखापरिक्षकको प्रतिवेदन, बासलात, नाफा नोक्सान हिसाब लगायतका विवरण अनुमोदन गर्नेछ । साथै कम्पनीको प्रबन्धपत्र तथा नियमावली संशोधन गरेर नयाँ ढाँचामा लाने प्रस्ताव समेत राखेको छ।

जडीबुटी बेचेर नाफा कमाउने उद्देश्यले वि.सं २०३८ साल पुसमा एचपीसीसीएलको स्थापना गरिएको हो । यो देशको पहिलो औषधिजन्य पदार्थहरु उत्पादन गर्ने कम्पनी पनि हो । जसको स्थापना औषधिजन्य जडीबुटी खेती, प्रशोधन, उत्पादन तथा बिक्री वितरणका लागि भएको हो।

यसले औषधि, खाद्यन्न तथा सौन्द्धय प्रशाधनका सामाग्रीहरु उत्पादन तथा बिक्री वितरण गर्छ । कम्पनीले सुगन्धित तेल, सन्चो, बाम (भिक्स), रोजिनरटर्पेनटाइन, हर्वल, हिमालय मसाज तेल र शिलाजित उत्पादन गर्दे आइरहेको छ।

कम्पनीले लागि तरहरा, बेलबारी, तामागढी, महेन्द्रनगर र टीकापुरमा ५०० हेक्टर जमीनमा जडीबुटी खेती गर्दे आएको छ । जडिबुटी खेतीका लागि कम्पनीले पाएको यी सबै जमिन प्रयोगमा आएको छैन ।

जसमा नेपाल सरकारको ८०.७२५ प्रतिशत, नेपाल औषधि लिमिटेडको ३.३७ प्रतिशत, वन उत्पादन विकास समितिको ३.३७५ प्रतिशत, कृषि विकास बैंकको २.८९ प्रतिशत शेयर लगानी रहेको छ । जसमा सर्वसाधारण्को ९.६५ प्रतिशत शेयर स्वामित्व रहनेछ । यो कम्पनीले सर्वसाधारणमा शेयर जारी गरेको छैन् ।