आइतबार ८२ जनामा कोरोना संक्रमण पुष्टि

आइतबार थप ८२ जनामा कोभिड १९ संक्रमण पुष्टि भएको छ। यससँगै नेपालमा कोारोनाबाट संक्रमित हुनेको कूल संख्या १६ हजार ८०१ पुगेको छ।

यस्तै हालसम्म २ लाख ८३ हजार ५१५ वटा पीसीआर परिक्षण सम्पन्न भएका छन्। पछिल्लो २४ घण्टामा ३ हजार ९१६ वटा परिक्षण सम्पन्न भएको छ।

यसैगरि हालसम्म ८ हजार ५८९ जना कोभिड संक्रमणबाट मुक्त भई डिम्चार्ज भएका छन्। पछिल्लो २४ घण्टामा मात्रै १४७ जना डिस्चार्ज भएका हुन्।

आइतबार कोरोना संक्रमणको पुष्टिभएकामध्ये काठमाडौंका ५ जना र ललितपुरका १ जना गरि उपत्यकामा ६ जना रहेका छन्।

विभिन्न अस्पतालको आइसोलेसनमा ८ हजार १८९ जना उपचाररत छन् भने २३ हजार ७८४ जना क्वारेन्टिनमा छन् ।

कोरोना संक्रमण पुष्टि भएकामध्ये ८० प्रतिशत पुरूष र २० प्रतिशत महिला छन्। संक्रमितमध्ये ०.३ प्रतिशतमा मात्रै कोरोना लक्षण भेटिएको छ ।