पाँच लघुवित्तले सार्वजनिक गरे चौथो त्रैमासिक वित्तीय विवरण

बिहीबारसम्म पाँच लघुवित्तले गत आर्थिक वर्ष २०७६।७७ को चौथो त्रैमासिक वित्तीय विवरण सार्वजनिक गरेका छन्।

हालसम्म फस्र्ट माइक्रोफाइनान्स, आरएमडिसी लघुवित्त, स्पर्स लघुवित्त, साधना लघुवित्त र धौलागिरी लघुवित्तले गत आर्थिक वर्षको वित्तीय विवरण सार्वजनिक गरेका छन्।

वित्तीय विवरणका आधारमा आरएमडिसी लघुवित्तको सबैभन्दा धेरै ८९ करोड ९३ लाख रहेको छ भने धौलागिरी लघुवित्तको सबैभन्दा कम ७ करोड मात्र रहेको छ। यस्तै जगेडा कोषमा पनि आरएमडिसी लघुवित्तको सबैभन्दा धेरै १ अर्ब ६९ करोड ९९ लाख रुपैयाँ रहेको छ भने स्पर्सको सबैभन्दा कम ३ करोड ६७ लाख ७६ हजार रुपैयाँ रहेको छ।

दुई थोक कर्जा प्रवाह गर्ने लघुवित्तको निक्षेप आधारमा शुन्य देखिएको छ भने धौलागिरी लघुवित्तको ४६ करोड ६ लाख ५६ हजार रहेको छ।

कर्जा लगानीको आधारमा आरएमडिसी लघुवित्तको ८ अर्ब ६ करोड लगानी गरेको छ भने धौलागिरी लघुवित्तको ७९ करोड १६ लाख सबैभन्दा कम रहेको छ । खुद ब्याज आम्दानीका आधारमा स्पर्स लघुवित्तको सबैभन्दा कम ७ करोड ५२ लाख रहेको छ भने आरएमडिसी लघुवित्तको ४६ करोड २ लाख आम्दानी गरेको छ।

यसैगरी खुद नाफाका आधारमा पनि आरएमडिसी लघुवित्तको सबैभन्दा धेरै छ। सो लघुवित्तले २८ करोड ५१ लाख ४९ हजार नाफा आर्जन गरेको छ भने धौलागिरी लघुवित्तले सबैभन्दा कम ८८ लाख १९ हजार नाफा कमाएको छ। वार्षिक प्रतिशेयर आम्दानीमा पनि आरएमडिसी लघुवित्तको ३१.७० रुपैयाँ र धवलागिरी लघुवित्तको १२.६० रुपैयाँ रहेको छ।

लगानीमा प्रतिफलका आधारमा स्पर्स लघुवित्तको सबैभन्दा धेरै २८.३३ प्रतिशत छ भने धवलागिरी लघुवित्तको ७.२३ प्रतिशत रहेको छ। खराब कर्जाको आधारमा धवलागिरीको २.२२ प्रतिशत छ भने आरएमडिसी र फस्ट माइक्रोफाइनान्सको शुन्य प्रतिशत मात्र खराब कर्जा रहेको छ।

वार्षिक प्रतिशेयर नेटवर्थका आधारमा साधना लघुवित्तको १२८.१३ रुपैयाँ छ भने आरएमडिसी लघुवित्तको सबैभन्दा धेरै २८९.०३ रुपैयाँ रहेको छ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।