नेपालमा कोरोना संक्रमितको संख्या ३० हजार नाघ्यो, थप ८३८ जनामा संक्रमण

नेपालमा पछिल्लौ एक दिनमा ८३८ जना कोरोना संक्रमित थपिएका छन्। । यो सँगै नेपालमा संक्रमित हुनेको संख्या ३० हजार ४८३ पुगेको छ।

स्वास्थ्य तथा जनसंख्या मन्त्रालयका अनुसार १३ हजार ५७९ जनाको पीसीआर परीक्षण गरिएकोमा २९२ महिला र ५४६ पुरुष गरी ८३८ जनामा संक्रमित थपिएका हुन्। ।

पछिल्लो २४ घण्टामा २५० जना डिस्चार्ज भएको मन्त्रालयका प्रवक्ता डा. जागेश्वर गौतमले बताए। योसँगै १८ हजार २ सय १४ जना डिस्चार्ज भई घर फर्किएका हुन्।

हालसम्म ५ लाख ७९ हजार ८ सय ९९ जनामा पीसीआर परीक्षण गरिएको गरिएको स्वास्थ्य मन्त्रालयले जनाएको छ । हालसम्म १३३ जना आईसीयूमा उपचारत रहेका छन् ।

पछिल्लो २४ घण्टामा थप ११ कोरोना संक्रमितको मृत्यु भएको छ। सोमध्ये १ जना महिला हुन् भने १० जना पुरुष हुन्।

यो सँगै कोरोना संक्रमणका कारण मृत्यु हुनेको संख्या १३७ पुगेको छ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।