शनिबार ६३४ कोरोना संक्रमित थपिए,९ जनाको ज्यान गयो, १३६ निको भए

पछिल्लो २४ घण्टामा ६३४ जनामा कोरोना भाइरसको संक्रमण पुष्टि भएको छ ।

देशभरका प्रयोगशालामा १२, ५१९ स्वाब परीक्षण गर्दा १८२ महिला र ४५२ जना पुरुषमा संक्रमण देखिएको स्वास्थ्य मन्त्रालयको नियमित प्रेस ब्रिफिङमा प्रवक्ता प्रा.डा. जागेश्वर गौतमले जानकारी दिए।  

शनिबार थपिएका संक्रमितमध्ये काठमाडौं उपत्यकाका २१६ जना छन् । तीमध्ये काठमाडौंका १६० जना, ललितपुरका ६ जना र भक्तपुरका ५० जना हुन् ।

यससँगै कुल संक्रमितको संख्या ३१ हजार ११७ पुगेको छ । जसमध्ये सक्रिय संक्रमित १२ हजार ६२१ रहेका छन् ।

यसैगरी पछिल्लो २४ घण्टामा कोरोना निको भई डिस्चार्ज हुने १३६ जना छन् । हालसम्म देशभरमा कोरोना मुक्त हुनेको कुल संख्या १८ हजार ३५० रहेको छ ।

नेपालमा थप ९ जनाको कोरोना संक्रमणका कारण निधन भएको छ । योसँगै अहिलेसम्म कुल १४६ जना कोभिड १९ संक्रमितहरुले ज्यान गुमाइसकेका छन् ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।