एकैदिन अहिलेसम्मकै धेरै व्यक्तिमा कोरोना संक्रमण पुष्टि

पछिल्लो २४ घण्टामा देशभर १ हजार १११ जना कोरोना भाइरसका संक्रमित थपिएका छन्।

गत २४ घण्टामा देशभर गरिएको १२ हजार ६२९ पीसीआर परीक्षण मध्ये ३३४ महिला र ७७७ पुरुष गरी १ हजार १११ जनामा कोरोना पोजिटिभ देखिएको स्वास्थ्य तथा जनसङ्ख्या मन्त्रालले जानकारी दिएको छ। 

योसँगै हालसम्म नेपालमा ३५ हजार ५२९ जना संक्रमण पुष्टि भइसकेको मन्त्रालयका प्रवक्ता प्राडा जागेश्वर गौतमले जानकारी दिए।

हालसम्म २० हजार ७३ जना पूर्ण रूपमा निको भएर घर फर्किसकेका छन्। देशभर हालसम्म ६ लाख ४७ हजार ८८१ जनाको पीसीआर परीक्षण गरिसकिएको छ।

आज काठमाडौं उपत्यकामा थप ३७७ जनामा कोरोना भाइरस संक्रमण पुष्टि भएको हो । आज सबैभन्दा धेरै काठमाडौंमा संक्रमित देखिएको मन्त्रालयले जनाएको छ । 

काठमाडौंमा २७०, ललितपुरमा ६६ र भक्तपुरमा ४१ जना कोरोना संक्रमित देखिएको प्रवक्ता डा. गौतमले जानकारी दिए ।

पछिल्लो एक दिनमा थप आठ जनाको कोभिड संक्रमणका कारण निधन भएको छ । योसँगै नेपालमा निधन हुनेको कुल संख्या १८३ पुगेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।