एकैदिन हालसम्मकै धेरै १२ सय २१ जनामा कोरोना पुष्टि

नेपालमा पछिल्लो २४ घण्टामा अर्थात आइतबार देशभर थप १२ सय २१ जनामा कोरोना भाइरस (कोभिड-१९) संक्रमण पुष्टि भएको छ ।

स्वास्थ्य मन्त्रालयका प्रवक्ता डा। जागेश्वर गौतमले नियमित प्रेस ब्रिफिङमा थप १२ सय २१ जनामा संक्रमण पुष्टि भएको जानकारी दिए । आइतबार थपिएका कोरोना संक्रमित सहित नेपालमा  कुल संख्या ३८ हजार ५६१ जना पुगेको छ ।

पछिल्लो २४ घण्टामा २६७ जना डिस्चार्ज भएका छन्। हालसम्म कोरोना निको भई डिस्चार्ज हुनेको कुल संख्या २० हजार ८२२ जना पुगेको छ।

काठमाडौँ उपत्यकामा ४२९ जनामा कोरोना पुष्टि

पछिल्लो २४ घण्टामा काठमाडौँ उपत्यकामा ४२९ जनामा कोरोना पुष्टि भएको छ।

स्वास्थ्य तथा जनसंख्या मन्त्रालयको आाइतबारको प्रेस ब्रिफिङमा मन्त्रालयका प्रवक्ता प्राडा जागेश्वर गौतमले उपत्यकाका ४२९ जना संक्रमित भएको बताए।

उनका अनुसार उपत्यकामा थपिएका संक्रमितका काठमाडौँका ३७२ ललितपुरका १२ र भक्तपुरका ४५ रहेको छन्।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।