नेपालमा कोरोना संक्रमितको संख्या ५५ हजार नाघ्यो, २४ घण्टामा थप ११७० जनामा भेटियो

पछिल्लो २४ घन्टामा नेपालमा थप ११७० जनामा कोरोना भाइरसको संक्रमण देखिएको छ। यो सहित नेपालमा कोरोना संक्रमित हुने को संख्या ५५ हजार ३२९ जना पुगेको छ।

पछिल्लो २४ घन्टामा देशका विभिन्न प्रयोगशालामा गरिएको परीक्षणका क्रममा यी व्यक्तिमा कोरोना भाइरसको संक्रमण पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिएका हुन्। 

पछिल्लो २४ घन्टामा थप ८७९ जना कोरोना संक्रमणमुक्त भएका छन्। योसहित नेपालमा हालसम्म ३९ हजार ५७६ उपचारपछि निको भएका छन्।

हाल मुलुकमा १५३९३ जना कोरोनाका सक्रिय संक्रमित रहेका छन्। त्यसमध्ये संस्थागत आइसोलेसनमा ८११८ जना र होम आइसोलेसनमा ७२७५ जना रहेका छन्।

त्यस्तै क्वारेन्टिनमा ६८९२ जना रहेका छन्। कोरोनाका गम्भीर १७९ जना बिरामीको आईसीयूमा र २९ जनाको भेन्टिलेटरमा राखेर उपचार भइरहेको छ। 

पछिल्लो २४ घण्टायता १५ जना कोरोना संक्रमितको मृत्यु भएको छ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।