पछिल्लो २४ घण्टामा ११ सय ७२ जना कोरोना पुष्टि, १८ सय ९३ निको भए

0
Shares

नेपालमा पछिल्लो २४ घण्टामा थप १ हजार १७२ जनामा कोरोना भाइरसको संक्रमण देखिएको छ।

बुधबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा जागेश्वर गौतमले देशभरमा थप १ हजार १७२ जनामा कोरोना भाइरसको संक्रमण पुष्टि भएको बताए।

नेपालमा आज सक्रिय संक्रमितको संख्या १७ हजार ४१४ रहेको प्रवक्ता गौतमले बताए।

संस्थागत आइसोलेसनमा ८ हजार २१४ रहेका छन्।

आज थप ९ हजार ४४९ पीसीआर परीक्षणसँगै अहिलेसम्म ९ लाख ४४ हजार ४७४ पुगेको छ। डिस्चार्ज हुनेको संख्या १८ सय ९३ रहेको छ।

बुधबार नेपालमा थप ७ जनाले कोरोना संक्रमणका कारण ज्यान गएको छ । अहिलेसम्म संक्रमणका कारण निधन हुनेको कुल संख्या ४३६ पुगेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।

प्रकाशित मिति: ७ असाेज २०७७, बुधबार  १७ : ११ बजे